Müşfiq Borçalının “Azərbaycan ədəbiyyatında gürcü obrazları” adlı məqaləsi “Qədim diyar” Beynəlxalq Elmi jurnalında dərc olunub

TƏBRİK EDİRİK!..

Tanınmış ədəbiyyatşünas alim, Azərbaycan Texniki Universitetinin “Ziya” qəzetinin, “ZiM.Az”, “Ziya.İnfo.Az” və “Elm.İnfo.Az” saytlarının baş redaktoru, AYB-nin, AJB-nin və Turan YB-nin üzvü, filologiya üzrə fəlsəfə doktoru, Prezident təqaüdçüsü Müşfiq Borçalının (Müşviq Mədəd oğlu Çobanovun - ORCİD 0009-0008-86842722 - [email protected]) “QƏDİM DİYAR” Beynəlxalq elmi jurnalının (“ANCIENT LAND” International Scientific Journal) 2025-ci il 7-ci cildinin 8-ci sayının 13-21-ci səhifələrində “Azərbaycan ədəbiyyatında gürcü obrazları” adlı növbəti elmi məqaləsi dərc olunub.

Məqalədə Azərbaycan ədəbiyyatında gürcü obrazları araşdırılır. Göstərilir ki, Azərbaycan və gürcü xalqlarının tarixi keçmişi onların ədəbi-bədii düşüncəsində də öz əksini tapmışdır. Gürcü ədəbiyyatında Azərbaycan, Azərbaycan ədəbiyyatında isə Gürcüstan mövzusu ən çox işlənən mövzulardan olmuşdur. Hər iki xalqın min illik ədəbiyyatında bu mövzuya epizodik və vaxtaşırı rast gəlmək mümkündür.
Müşfiq Borçalı bu təsvirləri iki yerə bölür; birincisi, məkanın, yerin, təbiətin gözəlliyinin təsviri, ikincisi obrazların yaradılması və təsviri.
Bu cəhətdən gürcü ədəbiyyatında azərbaycanlı, Azərbaycan ədəbiyyatında isə gürcü obrazların zənginliyi ilə fərqləndiyini qeyd edən müəllif Azərbaycan ədəbiyyatında gürcü obrazlarına nəzər yetirdikdə, zəngin obrazlar qalereyası ilə rastlaşdığını yazır:
“Azərbaycan ədəbiyyatında gürcü obrazları bir xüsusiyyəti ilə yadda qalır; bu da bu obrazların hamısını müsbət istiqamətdə işlənilməsidir. Ədəbiyyatımızda erməni obrazlarının da işlənildiyini nəzərə almış olsaq, müqayisə aparmaq yetər ki, bunun əksini görəsən. Ədəbiyyatımzıda işlənən erməni obrazları haqqında eyni şeyi demək çətindir. Bu da onu göstərir ki, Cənubi Qafqazda kök salmış bu iki xalq – azərbaycanlılar və gürcülər tarixən bir-birinə dayaq olmuş, ən çətin günlərdə belə qonşuluq münasibətlərini qoruyub saxlamışlar.”

Biz də dəyərli həmkarımız – tanınmış alim, filologiya üzrə fəlsəfə doktoru, çox hörmətli Müşfiq Borçalını yeni nailiyyəti - “QƏDİM DİYAR” Beynəlxalq elmi jurnalının (“ANCIENT LAND” International Scientific Journal) 2025-ci il 7-ci cildinin 8-ci sayının 13-21-ci səhifələrində “Azərbaycan ədəbiyyatında gürcü obrazları” adlı növbəti elmi məqaləsinin çap olunması münasibəti ilə ürəkdən təbrik edir və ona yeni-yeni uğurlar arzulayırıq!..

AYGÜN YAVƏRQIZI,
“YURD”un redaktoru

ZiM.Az


.