Borçalıda tanınmış pedaqoq Həmid Şabanov vəfat edib Digər » Nekroloqlar 9 февраля 2026 122 0 1 2 3 4 5 ALLAH RƏHMƏT ELƏSİN...Borçalı təhsilinə və ictimaiyyətinə ağır itgi üz vermişdir.Əziz və dəyərli ziyalımız, sevimli soydaşımız, bacarıqlı təşkilatçı, tanınmış pedaqoq, təcrübəli müəllim, çox hörmətli el ağsaqqalı və ictimai xadim - Həmid Hüseyn oğlu Şabanov 9 fevral 2026-cı ildə 88 yaşında doğma kəndində - qədim Borçalı mahalında, indiki Gürcüstanın Bolnisi rayonundakı Dəmirli kəndində dünyasını dəyişmişdir.Həmid Hüseyn oğlu Şabanov - 14 mart 1938-ci ildə anadan olmuş, 1946-cı ildə Dəmirli kəndindəki ibtiadi məktəbin birinci sinfinə getmiş, 1950-ci ildə ibtidai təhsilini bitirmişdir. Doğma kəndindəki məktəb 4 illik olduğundan, təhsilini qonşu Aşağı Güləver kəndindəki 8 illik məktəbində, daha sonra isə digər qonşu Darvaz kəndindəki orta məktəbdə davam etdirmişdir. 1957-ci ildə Darvaz orta məktəbini müvəffəqiyyətlə bitirmiş və elə həmin il Həsən bəy Zərdabi adina Gəncə Dövlət Pedoqoji İnstitutunun (indiki Gəncə Dövlət Universitetinin) fizika-riyaziyyat fakültəsinə daxil olmuşdur.1962-ci ildə ali təhsilini müvəffəqiyyətlə başa vurduqdan sonra doğma kəndinə qayıdan Həmid Şabanov qonşu Aşağı Güləver kəndindəki səkkizillik məktəbdə fizika-riyaziyyat müəllimi kimi ilk pedaqoji fəaliyyətə başlamışdır. 1980-ci ilədək həmin məktəbdə müəllim işləmiş, 1980-1984-cü illərdə artıq orta məktəbə çevrilən Aşağı Güləver məktəbində sinifdənxaric və məktəbdənkənar işlər üzrə direktor müavini, 1984-1991-ci illərdə isə Bolnisi rayon təhsil şöbəsində metodist vəzifəsində çalışmışdır.O, 1991-2006-cı illərdə Dəmirli kənd ibtiadi məktəbinin direktoru, 2006-2011-ci illərdə isə Darvaz orta məktəbində riyaziyyat müəllimi kimi pedaqoji fəaliyyətini davam etdirmişdir. 2013-cü ildən isə Aşağı Güləver kəndindəki məktəbdə fizika fənnini tədris etmişdir.Uzun müddət Bolnisi rayon təhsil şöbəsində məsul vəzifələrdə çalışmış, Bolnisi rayonun bir çox məktəblərində rəhbər vəzifələrdə işləmiş, o cümlədən, uzun müddət Dəmirli məktəbinə rəhbərlik etmiş, gənclərin təlim tərbiyyəsində, cəmiyyətə yararlı insanların yetişməsində və həyatın müxtəlif sahələrində uğurlu mütəxəsislərin formalaşmasında əvəzsiz xidmətiləri olan fədakar pedaqoq - Həmid Şabanov həm də nümunəvi ailə başçisi idi. Əziz və dəyərli ziyalımız, sevimli soydaşımız, bacarıqlı təşkilatçı, tanınmış pedaqoq, təcrübəli müəllim, çox hörmətli el ağsaqqalı və ictimai xadim Həmid Hüseyn oğlu Şabanovun vəfatından kədərləndiyimizi bildirir, ailəsinə, övladlarına, doğmalarına, qohumlarına, yaxınlarına, yetirmələrinə, bir sözlə, bütün Həmidsevərlərə dərin hüznlə başsağlığı verir, uca Allahdan səbir diləyirik…Allah rəhmət eləsin. Məkanı cənnət, Ruhu şad olsun…Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.