AMEA-da USTAD AŞIQ HÜSEYN SARAÇLInın 110 illik YUBİLEYİnə həsr olunan BEYNƏLXALQ ELMİ KONFRANSI ÖZ İŞİNİ DAVAM ETDİRİB

KONFRANS BARƏDƏ DÜNƏN ƏTRAFLI MƏLUMAT VERMİŞDİK.
HƏMİN MƏLUMATLA TANIŞ OLMAQ İSTƏYİRSİNİZSƏ, ELƏ BURA - MAVİ RƏNGLİ SƏTİRİN ÜSTÜNƏ VURUN...

2026-cı il oktyabrın 8-10-da Azərbaycan Milli Elmlər Akademiyasında (AMEA) Əməkdar mədəniyyət işçisi, ustad aşıq Hüseyn Saraçlının 110 illik yubileyinə həsr olunmuş “Aşıq yaradıcılığı: təşəkkülü, inkişaf mərhələləri və müasir istiqamətləri” mövzusunda beynəlxalq elmi konfrans keçirilib.

Konfransda Azərbaycan alimləri ilə yanaşı, Gürcüstan Elmlər Akademiyasının, İ.Cavaxişvili adına Tbilisi Dövlət Universitetinin, Gürcüstanın Şota Rustaveli adına Gürcü Ədəbiyyatı İnstitutunun, Türkiyənin Çanakkale Onsekiz Mart Universitetinin, Erzincan Binali Yıldırım Universitetinin, Bursa Uludağ Unuversitetinin, Erdahan Universitetinin, Özbəkistanın Kokand Universitetinin, eləcə də, Almaniya, Bolqarıstan, İran və Orta Asiya respublikalarının görkəmli alimləri də iştirak ediblər.

Əvvəlcə xarici ölkələrdən gəlmiş qonaqlar Azərbaycan Milli Elmlər Akademiyası ilə tanış olublar, AMEA-nın Rəyasət Heyətinin yerləşdiyi tarixi "İsmailiyyə" binasını, H.Cavid prospektindəki Əsas binasını və Mərkəzi Elmi Kitabxanasını gəziblər.

Azərbaycan Milli Elmlər Akademiyası, Azərbaycan Respublikasının Mədəniyyət Nazirliyi, AMEA-nın Nizami Gəncəvi adına Ədəbiyyat İnstitutu, Nəsimi adına Dilçilik İnstitutu, Folklor İnstitutu və Azərbaycan Aşıqlar Birliyinin birgə dəstəyi ilə təşkil olunan konfransın Plenar iclası 2026-cı il oktyabrın 8-də AMEA-nın Mərkəzi Elmi Kitabxanasının Akademiklər zalında öz işinə başlayıb.

Tədbiri giriş sözü ilə AMEA-nın prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəyli açaraq Akademiyanın humanitar elmlər sahəsində milli-mənəvi dəyərlərin, ədəbiyyatın, mədəniyyətin və Azərbaycan dilinin azərbaycançılıq ideyası əsasında daha dərindən öyrənilməsi, təbliği və gələcək nəsillərə çatdırılması istiqamətində geniş fəaliyyət göstərdiyini bildirib.

Elmi konfransda Azərbaycan Atatürk Mərkəzinin direktoru, akademik Nizami Cəfərov, AMEA Folklor İnstitutunun direktoru, filologiya elmləri doktoru Hikmət Quliyev,
görkəmli dövlət xadimi, tarix elmləri doktoru Həsən Həsənov, Azərbaycan Aşıqlar Birliyinin sədri, filologiya elmləri doktoru, professor Məhərrəm Qasımlı, filologiya üzrə fəlsəfə doktoru Müşfiq Borçalı, həmçinin, Gürcüstanın Şota Rustaveli adına Gürcü Ədəbiyyatı İnstitutunun Folklor departamentinin direktoru professor Ketevan Sixarulidze, Türkiyənin Çanakkale Onsekiz Mart Universitetinin əməkdaşları - professor Ömər Solak, dosent Samet Doykun və b. çıxış ediblər.

***

Daha sonra konfrans öz işini 3 gün 8 bölmə üzrə iclaslarla davam etdirib.

BU BARƏDƏ DÜNƏN ƏTRAFLI MƏLUMAT VERMİŞİK.
HƏMİN MƏLUMATLA TANIŞ OLMAQ İSTƏYİRSİNİZSƏ, ELƏ BURA - MAVİ RƏNGLİ SƏTİRİN ÜSTÜNƏ VURUN...

* * *



Oktyabrın 9-da konfrans öz işini Konfransın məsul katibi - filologiya üzrə fəlsəfə doktoru Müşfiq Borçalının moderatorluğu ilə davam etdirib.





Əvvəlcə Şota Rustaveli adına Gürcü Ədəbiyyatı İnstitutunun Folklor departamentinin professoru Eka Çxeidzenin,



İvane Cavaxişvili adına Tbilisi Dövlət Universitetinin Folklor kafedrasının nümayəndələri professor Ketevan Sixarulidzenin


və həmin universitetin professoru Xvtiso Mamisimedişvilinin məruzələri dinlənilib.



Sonra Tükiyənin Çanakkale Onsekiz Mart Üniversitesindən gəlmiş Prof. Dr. ÖMER SOLAK və



Doç. Dr. SAMET DOYKUN məruzə ediblər.



Aşıq Hüseyn Saraçlının 110 illik yubileyinə həsr olunmuş Beynəlxalq Elmi Konfransda - Özbəkistanın Kokand Universitetinin Əndican filialının dosenti, filologiya elmləri üzrə fəlsəfə doktoru (PhD) GÜLSƏNƏM ƏHƏDOVNA MƏŞRƏPOVAnın ([email protected]) "SARI AŞIQ BAYATILARINDA VƏ ÖZBƏK XALQ MAHNILARINDA RƏNG SİMVOLİKASININ MÜQAYİSƏLİ TİPOLOJİYASI" sərlövhəli məruzəsi də böyük maraq doğurub.

3 gün davam edən beynəlxalq elmi konfransda 100-dən çox məruzə dinlənilib və müzakirə olunub.

Sonda məruzəçilərə Sertifikatlar təqdim olunub.

Daha sonra isə xatirə üçün foto-şəkillər çəkdirilib.


BU BARƏDƏ ƏTRAFLI MƏLUMATLA TANIŞ OLMAQ İSTƏYİRSİNİZSƏ,
ELƏ BURA - MAVİ RƏNGLİ SƏTİRİN ÜSTÜNƏ VURUN...


ZiM.Az





























ZiM.Az


.