Ceyhun Hacıbəylinin “Seçilmiş əsərləri”-nin təqdimat mərasimi keçiriləcək Yeni nəşrlər, Humanitar elmlər, Elanlar 5 февраля 2018 2018-ci il Fevraln 7-də Azərbaycan Milli Elmlər Akademiyası (AMEA) Nizami Gəncəvi adına Ədəbiyyat İnstitutunun Elektron akt zalında həmin institutun təsis etdiyi “Azərbaycan mühacirət ədədbiyyatı kitabxanası” seriyasından çap olunmuş növbəti kitabın - görkəmli yazıçı-publisist, tərcüməçi, naşir və ictimai xadim Ceyhun Hacıbəylinin “Seçilmiş əsərləri”-nin təqdimat mərasimi keçiriləcək. Nizami Gəncəvi adına Ədəbiyyat İnstitutundan ZiM.Az-a bildiriblər ki, Azərbaycan Respublikasının Prezidenti İlham Əliyevin “Ceyhun Hacıbəylinin 125 illik yubileyinin keçirilməsi haqqında” 2015-ci il 19 noyabr tarixli Sərəncamına əsasən təsdiq edilmiş Tədbirlər Planına uyğun olaraq nəşr olunan kitabın təqdimat mərasimi saat 11.00-da başlayacaq. (Ünvan: Az 1143, Bakı şəhəri, Cavid prospekti, 115.Akademiya şəhərziyi, Əsas bina, IV mərtəbə)Tədbiri giriş sözü ilə AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəyli açacaq.Kitabın “Ön söz” və qeydlərin müəllifi filologiya üzrə elmlər doktoru Abid Tahirli“Ceyhun Hacıbəylinin əsəsrlərinin nəşri tarixindən” mövzusunda məruzə edəcək. Daha sonra AMEA-nın müxbir üzvü Tehran Mustafayev, filologiya üzrə elmlər doktoru, professor Vüqar Əhməd, filologiya üzrə fəlsəfə doktoru Maral Yaqubova, C.Hacıbəylinin fransız dilli ədəbi-elmi irsinin tərcüməçisi Mirzəbala Əmrahov, kitabın tərtibçisi Ədəbiyyat İnstitutunun Mühacirət Ədəbiyyatı şöbəsinin müdiri filologiya üzrə elmləri doktoru Nikpur Cabbarlı və başqaları çıxış edəcəklər. Qeyd edək ki, AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəylinin baş redaktorluğu ilə “Elm” nəşriyyatında nəşr edilən və Azərbaycan mühacirətinin ədəbi-elmi irsinin geniş ictimaiyyətə təqdimatı məqsədi daşıyan seriyanın ikinci kitabında XX əsr Azərbaycan ədəbiyyatının tanınmış nümayəndələrindən biri olan Ceyhun Hacıbəylinin (1891-1962) mühacirət illərində qələmə aldığı bədii-publisistik əsərlər və elmi araşdırmalar yer alıb.Kitabın məsul redaktoru filologiya üzrə elmləri doktoru Nikpur Cabbarlı, tərtibçisi, “Ön söz” və qeydlərin müəllifi filologiya üzrə elmlər doktoru Abid Tahirlidir.“Azərbaycan mühacirət ədəbiyyatı kitabxanası” zəngin mühacirət irsimizin təqdimi və təbliği baxımından Nizami Gəncəvi adına Ədəbiyyat İnstitutunun atdığı mühüm addımlardan biridir. Bu istiqamətdə işlər davam etdirilir.Aygül ÇOBANOVA,AMEA-nın dissertantıZiM.Az. Muəllif huquqları qorunur. Məlumatdan istifadə etdikdə istinad mutləqdir.