AzTU-nun yeni prorektoru Elton Məmmədov universitetin professor-müəllim heyətinə təqdim olunub Təhsil » AzTU 13 мая 2019 TƏBRİK EDİRİK!.. Azərbaycan Respublikası Təhsil naziriCeyhun Bayramovun əmri ilə tanınmış alim, texnika elmləri doktoru, professor Elton Məmmədov Azərbaycan Texniki Universitetinin (AzTU) Strateji inkişaf üzrə prorektoru təyin edilib.2019-cu il mayın 13-də AzTU-nun rektor əvəzi, professor Xalıq Yahudov universitetdə yeni təsis olunan Strateji inkişaf üzrə prorektor vəzifəsinə təyin olunan Elton Məmmədovu kollektivə təqdim edib.Qeyd edək ki, Məmmədov Elton Arzuman oğlu - 1954-cü ildə Ucar rayonunun Qazıqumlaq kəndində anadan olub.2007-ci ildə “Maye yanacaqların istilik-fiziki xassələri” mövzusunda namizədlik dissertasiyası müdafiə edərək texnika üzrə fəlsəfə doktoru elmi dərəcəsi, 2013-cü ildə “Neft sənayesinin ekoloji və texniki problemlərinin nanotexnoloji aspektləri” mövzusunda doktorluq dissertasiyası müdafiə edərək texnika elmləri doktoru alimlik dərəcəsi alıb.Elton Məmmədov 2000-ci ildə Ucar rayonundan II çağırış, 2005-ci ildə III çağırış və 2010-cu ildə IV çağırış Azərbaycan Respublikası Milli Məclisinə deputat seçilib.Azərbaycan Respublikası Prezidentinin 8 dekabr 2014-cü il tarixli Sərəncamı iləAzərbaycan Respublikasının ictimai-siyasi həyatında fəal iştirakına görə professor Elton Məmmədov "Şöhrət" ordeni ilə təltif edilib.Uzun illərdir ki, AzTU-da elmi-pedaqojı fəaliyyət göstərən Elton Məmmədov bu təyinata qədər universitetin “Neft sənayesinin texnoloji, ekoloji problemləri və nanokompozitlərin tədqiqi və tətbiqi” elmi-tədqiqat laboratoriyasının müdiri vəzifəsində çalışıb. O, hazırda “Avtomobil daşımaları və yol hərəkətinin təşkili” kafedrasının professorudur. Biz də ZiM.Az-ın yaradıcı heyəti adından tanınmış alim, texnika elmləri doktoru, professor Elton Arzuman oğlu Məmmədovu Azərbaycan Texniki Universitetinin (AzTU) Strateji inkişaf üzrə prorektoru təyin olunması münasibətilə ürəkdən təbrik edir və ona yeni vəzifəsində yeni-yeni uğurlar arzulayırıq!..Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.