ADPU-da doktorluq dissertasiyasının ilkin müzakirəsi

ADPU-nun Azərbaycan
dili və onun tədrisi
metodikası kafedrasında
“Aşıq yaradıcılığında işlənən onomastik vahidlərin linqvistik tədqiqi” mövzusunda doktorluq dissertasiyasının ilkin müzakirəsi keçirilib

2017-ci il fevral ayının
15-də Azərbaycan Dövlət Pedaqoji Universitetinin (ADPU) Filologiya fakültəsinin Azərbaycan
dili və onun tədrisi metodikası kafedrasında dosent Məmmədxan Soltanovun “Aşıq yaradıcılığında işlənən onomastik vahidlərin linqvistik tədqiqi” mövzusunda doktorluq dissertasiyasının ilkin müzakirəsi keçirilib.

ADPU-nun İctimaiyyətlə əlaqələr şöbəsinin müdiri Mənsur İbrahimli
ZiM.Az-a bildirib ki,
müzakirəni
giriş sözü ilə kafedranın müdiri, filologiya üzrə elmlər doktoru, professor
Əzizxan Tanrıverdiyev açıb, müzakirə iştiraıçılarına dosent
Məmmədxan Soltanovun həyatı və elmi-pedaqoji fəaliyyəti haqqında qısa məlumat verib.

Sonra söz dosent
Məmmədxan Soltanova verilib.

Dosent Məmmədxan Soltanov dissertasiya işinin aktuallığı, obyekt və predmeti, elmi yeniliyi, məqsəd və vəzifələri haqqında yığcam məlumat verib, dissertasiya işinin məzmunu ilə iştirakçıları tanış edib, verilən sualları cavablandırıb.

Bundan sonra, dissertasiya işi haqqında rəylər söylənilib, işin dəyər və mahiyyəti haqqında fikirlər bildirilib, müəyyən iradlar, sual doğuran məsələlər göstərilib.

Müzakirə polemika şəraitində keçmiş və dissertasiya göstərilən iradların aradan qaldırılması şərtilə müsbət dəyərləndirilmişdir.

Müşfiq BORÇALI,
ZiM.Az

.