Tibb elmləri namizədi NAMAZ MUSAYEV (1958-2017)

Namaz Şamı oğlu Musayev - 1958-ci il avqust ayının 20-də qədim Borçalı mahalının Başkeçid elində, indiki Gürcüstan Respublikasının Dmanisi rayonundakı Qızıl-kilsə kəndində ziyalı ailəsində anadan olmuşdur.
O, 1975-ci ildə Qızılkilsə kənd orta məktəbini bitirmiş, elə həmin il Nəriman Nərimanov adına Azərbaycan Dövlət Tibb İnstitutunun (indiki ADTU) müalicə-profilaktika fakültəsinə qəbul olmuş və 1981-ci ildə həmin fakültəni müvəffəqiyyətlə bitirmişdir.
Namaz Musayev tələbəlik illərində xüsusi fərqləndirici adlı təqaüdlə oxumuşdur.
N.Musayev 1981-ci ildə internatura kursu keçmək üçün Baş-qırdıstanın Belebey şəhərinə göndərilmişdir.
O, internaturanı bitirdikdən sonra, 1982-1990-cı illərdə Bryansk və Moskva şəhər xəstəxanalarında cərrah işləmişdir.
Elmi yaradıcılığa böyük maraq göstərən Namaz Musayev aspiranturanı başa vurmuş və 1988-ci ildə Piroqov adına 2 saylı Moskva Tibb İnstitutunda tibb elmləri doktoru, professor B.K. Şurakalinin rəhbərliyi altında dissertasiya müdafiə edərək, tibb elmləri namizədi alimlik dərəcəsi almışdır. Onun elmi işləri keç-miş İttifaqın bir sıra şəhərlərində yüksək dəyərləndirilmişdir.

Bir sıra elmi əsərlərin müəllifi olan Namaz Musayev uzun müddət Bakı şəhərindəki 3 saylı kliniki xəstəxanada çalışmışdır.
O, həkimlik fəaliyyəti dövründə 4000-dən çox uğurlu cərrahiyyə əməliyyatı aparmış, ali dərəcəli cərrah adını qazanmışdır.

Ali dərəcəli cərrah tibb elmləri namizədi Namaz Şamı oğlu Musayev 2027-ci il noyabrın 1-də Bakı şəhərində vəfat etmişdir.
Allah rəhmət eləsin.

HƏNİFƏ ŞƏBNƏM,
ZiM.Az

.