İSMAYIL QƏDİR oğlu MƏMMƏDOV (1957)

BOLNİSİ BƏLƏDİYYƏ ÜZVLƏRİNİ TANIYAQ VƏ TANIDAQ!...

İsmayıl Qədir oğlu Məmmədov -
1957-ci il iyul ayının 10-da qədim
Borçalı mahalında - indiki Gürcüstanın
Bolnisi rayonundakı Zolgüvəc kəndində
anadan olub.

1974-cü ildə Zolgüvəc kənd orta məktəbini bitirib.

1976-1978-ci illərdə hərbi xidmətdə olub.

1986-cı ildə isə S.Bünyadzadə adına Azərbaycan Dövlət Xalq Təsərrüfatı İnstitutunun (indiki ADİU-nun) “Mühasibət uçotu” (İqtisadiyyat) fakültəsini müvəffəqiyyətlə bitirib.

1986-cı ildən 1987-ci ilədək Bolnisi üzümçülük sovxozunda, 1987-ci ildən 1994-cü ilədək rayonun Ratevani heyvandarlıq sovxozunda baş mühasib vəzifəsində çalışıb.

1994-cü ildən 1997-ci ilədək Zolgüvəc kənd İcadarlar Təşkilatının sədri işləyib.

1997-ci ildən 1998-ci illərdə Bolnisi rayon Vergi Müvəttişliyidə müvəttiş vəzifəsində çalışıb.

1998-ci ildən 2006-cı ilədək Ayorta kənd bələdiyyəsinin sədri vəzifəsində işləyib.

İsmayıl Məmmədov 2006-cı ildən hal-hazıradək 4 dəfə Bolnisi rayon Bələdiyyəsinin üzvü,
komissiya sədri seçilib.

Ailəlidir. Bir oğlu, iki qızı və 9 nəvəsi var.

Biz də ZiM.Az-ın bütün yaradıcı heyəti adından İsmayıl Qədir oğlu Məmmədova
şəxsi həyatında,eləcə də əmək və ictimai fəaliyyətində yeni-yeni uğurlar arzulayırıq!..

Əlixan YƏHYAOĞLU,
ZiM.Az


.