TBİLİSİDƏ ŞAGİRDLƏRİN RƏSM ƏSƏRLƏRİNİN SƏRGİSİ TƏŞKİL OLUNUB

2018-ci il martın 3-də
Gürcüstanın paytaxtı
Tbilisi şəhərindəki
M.F.Axundzadə adına
Azərbaycanlıların Mədəniyyət Muzeyində
“Gürcüstanda Azərbaycanlı Müəllimlər İttifaqı”nın (GAMİ-nin) təşəbbüs və təşkilatçılığı, eləcə də
Mədəniyyət muzeyinin dəstəyi ilə Azərbaycanlı şagirdlərin rəsm əsərlərindən ibarət
möhtəşəm sərgi keçirilib.

GAMİ-nin regional layihələrindən biri olan sərgidə Marneuli, Qardabani, eləcə də paytaxt Tbilisidəki Azərbaycandilli ictimai məktəblərdə təhsil alan 6 nəfər bacarıqlı və istedadlı şagirdin müxtəlif mövzularda çəkdikləri 60-dan çox rəsm əsəri sərgilənib.

Sərgidə Pirosmani adına Beynəlxalq rəssamlar assosasiyasının prezidenti Gemal Qoqişvili, vitse prezidenti Əli İsayev, ictimayət nümayəndələri, ziyalılar, müəllimlər, gənclər
və şagirdlər iştirak etdilər.

Möhtəşəm sərginin sonunda gənc rəssmalara “Gürcüstanda Azərbaycanlı Müəllimlər İttifaqı”nın, M.F.Axundzadə adına Azərbaycanlıların Mədəniyyət muzeyinin, eləcə də,
Pirosmani adına Gürcüstan rəssamlar assosasiyasının və “Professor Mədəd Çobanov adına XEYRİYYƏ FONDU”nun diplom və hədiyyələri təqdim olunub.

Biz də öz növbəmizdə, ZiM.Az-ın və “Professor Mədəd Çobanov adına XEYRİYYƏ FONDU”nun İdarə Heyəti adından sərgidə iştirak etmiş gənc rəssamları ürəkdən təbrik edir, onlara yeni-yeni yaradıcılıq uğurları arzulayır,
həmçinin sərginin təşkilində əməyi olan hər kəsə, xüsusilə də, bizim diplom və hədiyyələrimizi qaliblərə çatdıran “Professor Mədəd Çobanov adına XEYRİYYƏ FONDU”nun Qarayazı nümayəndəliyinin rəhbəri Nadir Almazoğluna öz dərin təşəkkürümüzü bildiririk!..

Dr. Müşfiq BORÇALI,
“Professor
Mədəd Çobanov adına
XEYRİYYƏ FONDU”nun icraçı direktoru,
ZiM.Az-ın Baş redaktoru




.