Azərbaycanlı bioloq alimin Rusiyada keçirilən “Komarov oxuları”nda məruzəsi dinlənilib Elm » Biologiya və tibb elmləri 28 октября 2019 21-25 oktyabr 2019-cu ildə AMEA Botanika İnstitutunun direktoru, akademik Validə Əli-zadə Rusiyanın Sankt-Peterburq şəhərində yerləşən V.İ.Komarov adına Botanika İnstitutunun direktoru, professor Dmitry Geltmanın xüsusi dəvətilə həmin elm ocağında ənənəvi olaraq keçirilən “Komarov oxuları”nda” adlı tədbirdə iştirak edib. AMEA Botanika İnstitutunun İctimaiyyətlə əlaqələr üzrə məsul şəxsi Məhsəti Qurbanova ZiM.Az-a bildirib ki, akademik Validə Əli-zadənin Rusiyaya səfərinin məqsədi məhşur alim, akademik Vladimir Komarovun anadan olmasının 150 illik yubileyinə həsr olunan “Müasir botanikada innovasiya və ənənələr” adlı beynəlxalq konfransda “Azərbaycanda biomüxtəliflik və ekosistem xidmətlərinin qiymətləndirilməsi” mövzusunda plenar məruzə ilə çıxış və elmi müzakirələrdə iştirak etmək olub. Səfər uğurla başa satıb, akademik V.Əli-zadə vətənə xoş təəssüratlarla qayıdıb.Aysel MƏDƏDLİ,ZiM.Az. Muəllif huquqları qorunur. Məlumatdan istifadə etdikdə istinad mutləqdir.