Yaşar Ömərov Azərbaycan Texnologiya Universitetinin rektoru təyin edilib

TƏBRİK EDİRİK!..

Azərbaycan Respublikasının
Prezidenti İlham Əliyevin
4 noyabr 2024-cü il tarixli sərəncamı ilə
Yaşar Adil oğlu Ömərov
Azərbaycan Texnologiya Universitetinin rektoru
təyin edilib.

Yaşar Adil oğlu Ömərov - 1 dekabr 1977-ci ildə Bakı şəhərində anadan olub.
1984-1994-cü illərdə Bakı şəhərindəki 52 nömrəli orta məktəbdə təhsil alıb.
1995-ci ildə BDU-nun Biologiya fakültəsinə daxil olub və 1999-cu ildə həmin fakültənin Biokimya ixtisası üzrə bakalavr pilləsini bitirib.
1999-cu ildə Biologiya fakültəsinin magistratura pilləsində təhsilini davam etdirib.
Həmin il BDU-nun Biokimya və biotexnologiya kafedrasında laborant kimi fəaliyyətə başlayıb.
2001-cil ildə BDU-nun aspiranturasına daxil olub.
2007–ci ildə “Alma meyvələrinin fosfofruktokinazasının öyrənilməsi və onun meyvələrin yetişmə prosesində rolu” mövzusunda namizədlik dissertasiyasını uğurla müdafiə edib.
2002-ci ildən - baş laborant, 2005-ci ildən isə - laboratoriya müdiri vəzifələrində çalışıb.
2008-ci ildən Biokimya və Biotexnologiya kafedrasında müəllim, 2010-cu ildən isə Biologiya fakültəsinin dekan müavini vəzifəsində işləyib.
"Qida məhsullarının saxlanılması biokimyası" (mühazirə), "Molekular biologiya" (mühazirə), "Hematologiya" (mühazirə) və "İmmunologiya" (seminar) fənlərini tədris edib, Böyük İxtisas Təcrübəsinə rəhbərlik edib.

2014-cü ildə Təhsil Nazirliyində məsul vəzifəyə irəli çəkilib.
Bir müddət Təhsil Nazirliyinin Ali, orta ixtisas və əlavə təhsil sektorunun müdiri vəzifəsində çalışıb.

19 iyul 2022-ci ildə Təhsil naziri Emin Əmrullayevin əmri ilə Azərbaycan Texnologiya Universitetinin rektoru vəzifəsinin səlahiyyətləri Yaşar Adil oğlu Ömərova həvalə edilib.

Azərbaycan Respublikasının Prezidenti İlham Əliyevin 4 noyabr 2024-cü il tarixli sərəncamı ilə Yaşar Adil oğlu Ömərov Azərbaycan Texnologiya Universitetinin rektoru təyin edilib.

Yaşar Ömərov 20-dən çox elmi əsərin və 1 dərs vəsaitinin müəllifidir.

Ailəlidir. 2 övladı vardır.

Onu da qeyd edək ki, Yaşar Adil oğlu Ömərov əslən qədim Borçalı mahalının Bolnisi rayonundakı Darvaz kəndindəndir.

O, eyni zamanda, bir sıra elmi-pedaqoji mətbuat orqanlarının, o cümlədən, "Borçalı", "Şərqin səsi", "Elm və təhsil" qəzetlərinin, "Elm.info.az", "ZiM.Az", "Zirve.info.az", "Yurd.info.az", "Borcali.org", "Bolnisi.az" və s. saytların Redaksiya Heyətinin də üzvüdür.

Biz də dəyərli soydaşımız, çox hörmətli Yaşar müəllimi ürəkdən təbrik edir, ona yeni və şərəfli vəzifəsində uğurlar arzulayırıq!..

Müşfiq BORÇALI,
Azərbaycan Texniki Universiteti
AzTU PRESS nəşriyyatının,
“Ziya” qəzetinin və
“ZiM.Az” saytının baş redaktoru,
AYB-nin və AJB-nin üzvü,
Filologiya üzrə fəlsəfə doktoru,
Prezident təqaüdçüsü

ZiM.Az


.