Ppofessor İLHAM ASLANZADƏ - 55

Xatırladırıq ki, Aslanzadə İlham Alıcı oğlu
20 noyabr 1963-cü ildə anadan olmuşdur.
1980-ci ildə orta məktəbi qızıl medalla bitirmiş və D.Bünyadzadə adına Azərbaycan Xalq Təsərrüfatı İnstitutunun (indiki ADİU-nun) “Xalq təsərrüfatının iqtisadiyyatı və planlaşdırılması” fakültəsinə
daxil olmuşdur. 1984-cü ildə ali məktəbi fərqlənmə diplomu ilə bitirərək təyinatla gənc mütəxəssis kimi
Azərbaycan Dövlət Plan Komitəsinin Elmi-Tədqiqat İqtisadiyyat İnstitutunda əmək fəaliyyətinə başlamışdır.

İ.A.Aslanzadə 1987-1990-cı illərdə Ç.İldırım adına Azərbaycan Politexnik İnstitutunun (indiki Azərbaycan Texniki Universiteti) aspirantı olmuş, 1992-ci ildə namizədlik dissertasiyasını müdafiə etmiş, iqtisad elmləri namizədi elmi dərəcəsi almışdır.
Həmin vaxtdan etibarən AzTU-nun “Sənayenin iqtisadiyyatı, təşkili, planlaşdırılması və idarə edilməsi” kafedrasında assistent, baş müəllim vəzifələrində çalışmışdır.
2001-ci ildə ona dosent elmi adı verilmişdir.
Elə həmin vaxtdan da əvvəlcə AzTU-nun “Mühəndis biznesi və menecment” fakültəsinin təlim-tərbiyə işləri üzrə dekan müavini, sonra isə tədris işləri üzrə dekan müavini vəzifəsində işləmişdir.

İ.A.Aslanzadə 2003-cü ildən AzTU-nun “Mühəndis biznesi və menecment” fakültəsinin dekanıdır.
O, 2010-2011-ci illərdə eyni zamanda həm də “Sənaye iqtisadiyyatı və menecment” kafedrasında
müdir əvəzi vəzifəsini icra etmişdir.

İ.A.Aslanzadə 2011-ci ildə Azərbaycan Respublikası Təhsil Nazirinin əmri ilə
“Qabaqcıl təhsil işçisi” döş nişanı ilə təltif olunmuşdur.

2013-cü ildə doktorluq dissertasiyasını uğurla müdafiə etmiş, 2014-cü ildə ona Azərbaycan Respublikasının Prezidenti yanında AAK-ın qərarı ilə iqtisad еlmləri doktoru (08.00.05 – «Хalq təsərrüfatının iqtisadiyyatı və idarə еdilməsi ixtisasları üzrə) elmi dərəcəsi verilmişdir.

İ.A.Aslanzadə 80-dən çox elmi işlərin: məqalələrin, dərs vəsaitləri və monoqrafiyanın, metodiki vəsaitlərin müəllifidir. O, Rusiyada, Türkiyədə, Polşada, Qazaxıstanda və s. keçirilmiş konfrans və simpoziumlarda
fəali iştirak etmişdir.

Müşfiq BORÇALI,
ZiM.Az


.