Qarayazıda akademik Mədəd Çobanovun ömür yoluna həsr olunmuş açıq dərs keçirilib Tiflis, Borçalı, Bolus, Darvaz, Qarayazı, TDPİ-nin Azərbaycan bölməsi, UNUTSAQ, UNUDULARIQ!...., Mədəd Çobanov 10 февраля 2025 158 0 1 2 3 4 5 2025-ci il fevralın 10-da qədim Qarayazıda, indiki Gürcüstanın Qardabani şəhərində fəaliyyət göstərən Təhsil və İnteqrasiya Mərkəzində Azərbaycan dili fənni üzrə keçirilən növbəti açıq dərs Borçalı elinin dəyərli oğlu, görkəmli dilçi alim, tanınmış türkoloq və toponomist, filologiya elmləri doktoru, akademik Mədəd Çobanovun həyat və yaradıcılığına həsr olunubdur. Qardabani Təhsil və İnteqrasiya Mərkəzindən ZiM.Az-a bildiriblər ki, Gürcüstandakı Azərbaycan dili müəllimi Sevda Sahverdiyevanın rəhbərliyi ilə keçirilən dərsdə, əvvəlcə Lali Zeynalova və Qiymət Zeynalova akademik Mədəd Çobanovun mənalı və şərəfli ömür yolu, geniş və zəngin elmi yaradıcılığı haqqında ətraflı məlumat veriblər. Sonra Səyalı Osmanova, Aynişan Məmmədova və Lalə İbrahimova akademik haqqında yazılmış xatirələrdən bəzi nümunəri söyləyiblər. Şagirdlərdən Həbibə Eyyubova, Dəniz İsayeva, Rüfət Həsənov və Narın Həsənova akademik Mədəd Çobanov haqqında yazılmış şeirlərdən bəzi nümunələri səsləndiriblər. Sevda müəllimə vaxtı ilə ali təhsil aldığı A.S.Puşkin adına Tbilisi Dövlət Pedaqoji İnstitutunda (indiki İlya Universitetində) ona dərs demiş akademik Mədəd Çobanov haqqında unudulmaz xatirələrini danışıb. O qeyd edib ki, Mədəd müəllim bizim üçün həm sevimli müəllim, həm yaxın dost, həm də qayğıkeş və xeyirxah bir insan idi. Sevda müəllimə çıxışı zamanı Mədəd müəllimin oğlu Müşfiq Borçalıya Qardabani Təhsil və İnteqrasiya Mərkəzinə hədiyyə etdiyi kitablar üçün təşəkkür edib.Sonda Mərkəzin direktoru Çiçək Hüseynova belə bir gözəl və maraqlı açıq dərs üçün Sevda Şahverdiyevaya təşəkkür edib, onun əməyini yüksək qiymətləndirib, açıq dərs zamanı xüsusi fəallıq göstərmiş şagirdləri alqışlayıb və onlara uğurlar arzulayıb.ZiM.Az. Muəllif huquqları qorunur. Məlumatdan istifadə etdikdə istinad mutləqdir.