Bu gün AzTU-nun dekanı, professor FAZİL HƏSƏNOVun ad günüdür AzTU, "XXI əsrin Ziyalıları", Təbriklər 25 февраля 2018 TƏBRİK EDİRİK!...Bu gün Azərbaycan Texniki Universitetinin “Nəqliyyat" fakültəsinin dekanı, çox hörmətli professor Fazil Həsənovun ad günüdür.Həsənov Fazil Əbduləzim oğlu - 1945-ci il fevral ayının 25-də Ağcabədi rayonunun Xəlfərəddin kəndində qulluqcu ailəsində anadan olub. 1951-ci ildə Səməd Vurğun adına Qazax şəhər 2 saylı orta məktəbinin I sinfinə gedib. 1961-ci ildə orta məktəbi bitirərək Azərbaycan Politexnik İnstitutunun (indiki Azərbaycan Texniki Universitetinin) mexanika fakültəsinə daxil olub. 1966-cı ildə həmin İnstitutu müvəffəqiyyətlə bitirərək “Avtomobil nəqliyyatı” üzrə mühəndis-mexanik ixtisasına layiq görülüb. 1967-cı ildə Sovet Ordusu sıralarında xidmət edib. Ordudan tərxis olunduqdan sonra avtonəqliyyat trestində mühəndis, böyük mühəndis vəzifələrində işləyib.Fazil Həsənov 1970-ci ildən Azərbaycan Texniki Universitetində çalışır. Əvvəlcə “Materiallar müqaviməti” kafedrasında assistent, sonra baş müəllim vəzifələrində çalışıb.1985-ci ildə namizədlik dissertasiya işini müdafiə edərək fizika-riyaziyyat elmləri namizədi alimlik dərəcəsinə layiq görülüb.1986-cı ildə dosent seçilib. 2001-ci ildən isə “Nəqliyyat" fakültəsinin dekanıdır.1977-ci ildə Azərbaycan SSR Ali Soveti Rəyasət heyətinin Fəxri Fərmanı ilə, 1981-ci ildə SSRİ Ali Soveti Rəyasət heyətinin fərmanı ilə "Qırmızı Əmək Bayrağı" Ordeni ilə, 2011-ci ildə Azərbaycan Respublikasının Prezidentinin fərmanı ilə“Tərəqqi” medalı ilə təltif olunmuşdur.Fazil Həsənov bu günlərdə AzTU Elmi Şurasının qərarı ilə "AzTU-nun Fəxri professoru" seçilib.Biz də "Ziya" qəzetinin və "ZiM.Az" saytının yaradıcı heyəti adından çox hörmətli Fazil müəllimi həm ad günü, həm də "AzTU-nun Fəxri professoru" seçilməsi münasibətilə ürəkdən təbrik edir, ona uzun ömür, möhkəm cansağlığı, elmi-pedaqoji fəaliyyətində yeni-yeni uğurlar arzulayırıq!..Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.