ABAY PAŞAYEV: Uzaqdan durub bizə yol göstərməyinizdən əl çəkin, xahiş edirəm...

Dərs keçmək istəyənlərin sayı çoxalıbdır...

Zəlimxan bəy, Gürcüstanda bir nəfər maşennik var ki, adı da Ələddindir. Fırıldaqçı, cibə girən, yalançı və savadsız.
Puldan ötrü vətəni, hər şeyi ayaqlar altına salan bir nəfəri Zəlimxan bəyin ortaya salıb burada qalmağallar yaratmaq istəyinin səbəblərindən biri də onun Gürcüstana buraxılmamasıdır. Bu yolla buraya fitnə fəsad salmaq olmaz. Bir də bu qədər boş vaxt haradandır bu insanlarda, işiniz-gücünüz yoxdur, bəyəm?
O ki, qaldı torpaqların adlarına. Bu məsələ uzun illərdir ki, gündəmdə var. Bu gün bizim ölkəmizdə bundan da vacib olan məsələlər var ki, biz onların arxasınca düşmüşük. Bu ilk növbədə bizim təhsilimizdir. Bu gün burada gürcü ictimaiyyətinə inteqrasiya, gürcü dilini öyrənmək, vətəndaşlıq təhsilimizi artırmaq, Gürcüstana məhəbbət və qayğı, torpaqlarımızın itkisi burada yaşayanların ən başlıca amalı olmalıdır.

Uzaqdan durub bizə yol göstərməyinizdən əl çəkin, xahiş edirəm, isti yuvalardan çıxış edib bizə şeytan oyunu öyrətyməyin. Hər şeyin öz zamanı var. Bütün tələblərin sivil forması var. Məsələyə demokratik yanaşın, bu gün siyasi və iqtisadi durumu ürək açmayan Vətənimin qayğısına qalmaqdan, əksinə aralığı qatmaq lazım deyildir.

Ələddin gürcü dilində bir kəlmə söz bilmir - bizim deputatlar kimi. Əlbəttə zaman gələcəkdir, bu gün yüzlərlə tələbəmiz Ali məktəblərdə təhsil alır, onlar hər şeyi yerli-yerinə qoyacaqlar.

Xahiş edirəm, kal meyvəyə toxunmayasınız. Bir neçə terminləri əzbərləyib yerli-yersiz sosial şəbəkələrdə işlətməyinizə lüzum yoxdur. Burada sizdən çox ziaylılıq mövqeyi olan əsil vətəndaşlarım var. Moral oxumayın. Duxunuz var, gəlin burada yaşayın və bilmədiklərimizi də bizə öyrədin.

"Borçalı" cəmiyyətinin burada qol-qanadlarının içərisində Gürcüstanla, bizimlə bağlı bir nəfər əməli-saleh adam yoxdur!.. Hamısı ucadan danışan, "vətəb-vətən" deyib bağırmaqla gözləri ciblərdə, əlləri uzanıqlı olanlardır. Bəsdir bizimlə oynamaq, şərəfsizliyə əl atmaq lazım deyildir. Qızıl kimi vaxtımı bu qədər yerli-yersiz yazılara itirməyim çox pis təsir edir mənə. Ələddin ağlı ucbatından uzun illərdir ki, cibi pulsuz, üzü qara adamdır eldə, ailədə.

Yaxşı olar ki, Zəlimxan bəy, Gürcüstanda cəmiyyətin hesabına bizim ümumi xeyrimizə zəruri layihələr həyata keçirsin, sosial təminata ehtiyacı olan bir iki ailəyə, sağlamlığı məhdud olan bir-iki nəfər soydaşımıza sponsorluq eləsin.

Zəlimxan bəyə mən mesaj göndərdim və dedim ki: Bəy, sizin Gürcüstana buraxılmamağınızla bağlı mən iş aparıram. Bir dəfə də olsun ki, maraqlanmadı nə işdir. Ona yazdım ki, sizə güclü vəkil lazımdır ki, sizin buraya gəlişinizin qadağası ilə bağlı məsələni məhkəmə zallarına, bütün qeyri - hökumət təşkilatlarına, lazımı orqanlara çıxartsın, bu işdə mənə güvənə bilərsən. "Sağ ol" - demək o yana dursun, məsələyə biganə yanaşdı. Ələddin kimi düşünmürəm mən. Bir adamın haqqı-hüququ pozulubsa, öz haqq və hüquqlarını bərpa eləməlidir, bunun üçün hüquqi və qanuni proseduralardan keçmək lazımdır.

Zəlimxan bəy hüquqşünas olmasa da bu yollardan keçməyin vacib olduğunu bilərəkdən bu yola addımlamadı. Çünki... bunu özü bilər.
Bu məsələ ilə bağlı daha kəskin yazılar yaza bilərəm.

Ortalıqdan çıxarın Ələdini, əl çəkin ağayana şərhlərinizdən, hələ bizim çox problerimiz var ki, onları aradan qaldırmalıyıq.
Erkən evlənmələr, faciəli şəkildə zorakılqla qız qaçırtmaq, adət-ənənəmizdəki bu günkü biabırçılqlar, israfçılıqlar, sabunsuz girmək, bir tikə çörəyə görə hər şeyi atmaq, satqınçılıq, dinimizdəki parçalanmalar, ədalətsizliklər, qonşu-qardaş haqqını yemək, ata-ana tənbehlərini udmamaq, üzlərinə ağ olmaq, günahsız insanları öldürmək, qan içmək, narkotika alveri, Vətənə qayğısızlıq, Abxaziya, Osetiya kimi problemlər var ki, onları aradan qaldırmaq gərəkdir.

Bu cür neqativlər aradan çıxandan, millətimiz özünün düzgün və doğru siyasi seçimini edəndən sonra sivil formada, qanun çərçivəsində hökumətdən adların dəyişdirilməsi məsələsinə baxmağı, doğru və düzgün qərar verməsini istəyərik.

Abay PAŞAYEV,
"TƏHSİL" qəzetinin redaktoru.