Mer övladları müharibədə həlak olmuş anaların bayramını təbrik edib

Gürcüstanın Marneuli munisipalitetinin meri Temur Abazov, müavinləri Zaur Tabatadze və Laşa Lobcanidze ilə birlikdə Abxaziya və 2008-ci il avqust müharibəsində
həlak olmuş qəhrəmanların analarını, Analar günü münasibəti ilə təbrik edib.

Yerli Özünüidarəetmənin rəhbər şəxsləri qəhrəman analarının evində qonaq olaraq, onlara gül dəstəsi ilə birlikdə rəmzi hədiyyələr təqdim ediblər.

Qeyd edək ki,
Gürcüstanda Analar günü,
Gürcüstanın birinci prezidenti
Zviad Qamsaxurdiyanın müvafiq qərarına əsasən 1991-ci ildən qeyd olunur.
Elə həmin il Gürcüstanın
Ali Şurası tərəfindən də
təsdiqlənmiş həmin qərara əsasən, artıq 27 ildir ki,
bu günü bütün
Ümum-Gürcüstan
bayram edir.
Üç mart rəsmən
istirahət günü
elan olunub.

Turac İBRAHİMOVA,
ZiM.Az


.