"ZƏLİMXANIN ÖZÜ VAR XATİRƏLƏRDƏ"

Marneulidə
Xalq şairi
Zəlimxan Yaquba
həsr olunan
“Poeziya Günü”
keçirilib

Bu gün - 2018-ci il
Fevralın 12-də
Gürcüstanın
soydaşlarımız yaşayan
Marneuli rayonunun
N.Nərimanov adına
Mərkəzi Mədəniyyət evində
Türk dünyasının böyük şairi,
Azərbaycanın Xalq şairi
Zəlimxan Yaqubun həyat və
yaradıcılığına həsr olunan
"ZƏLİMXANIN ÖZÜ VAR XATİRƏLƏRDƏ" adlı
“Poeziya Günü” keçirilib.

Tədbirdə Gürcüstanın dövlət və hökumət nümayəndələri,
o cümlədən, Kvemo-Kartli bölgəsinin qubernatoru
Qriqol Nemsadze,
qubernatorun müavini
Zaur Darğallı,
Azərbaycan Respubilkasının Gürcüstandakı səlahiyyətli səfiri Dursun Həsənov, Türkmənistanın Gürcüstandakı səlahiyyətli səfiri Dövlətmurat Muratov, Gürcüstanın Vətəndaş Bərabərliyi məsələləri üzrə Dövlət Nazirinin müşaviri Ayaz Məmmədov, Gürcüstan Parlamentinin deputatı
Tamaz Naveriani, Marneuli Bələdiyyəsinin sədri
Amiran Qiorqadze, onun müavini Mamuka Naveriani,
Marneuli merinin müavinləri Zaur Tabatadze, Laşa Lobcanidze, Gürcüstan Yazıçılar Birliyinin sədri Baxadur Arabuli,
Azərbaycandan gələn qonaqlar - Azərbaycan
Aşıqlar Birliyinin katibi,
Əməkdar Mədəniyyət işçisi Musa Nəbioğlu,
"Professor Mədəd Çobanov
adına Xeyriyyə Fondu"nun
Gənclərlə iş şöbəsinin müdiri Eşad Çobanlı,
QHT rəhbərləri,
şirkət nümayəndələri,
jurnalistlər və başqaları iştirak edib.

ZiM.Az-ın xüsusi müxbiri Gürcüstandan xəbər verir ki, tədbiri Gürcüstan Azərbaycanlıları Konqresinin sədri
Hüseyin Yusibov açıb.
O, Zəlimxan Yaqub yaradıcılığı haqqında fikirlərini bildirərək gecəyə təşrif buyuran qonaqlara
təşəkkür edib.

Gürcüstan Parlamentinin Deputatı Ruslan Hacıyev Zəlimxan Yaqubun şərəfli ömür yolu və zəngin yaradıcılığı haqqında geniş məruzə ilə çıxış edib.

Daha sonra
Bölgə Qubernatoru
Qriqol Nemsadze,
Azərbaycan Aşıqlar Birliyinin katibi, Əməkdar Mədəniyyət işçisi Zəlimxan Yaqubun araşdirmaçısı və yaxin dostu Musa Nəbioğlu və digər mötəbər şəxslər tamaşaçılar qarşısında çıxış edərək şairi yad ediblər.

Aşıqlar və gənclər şairin yaradıcılığına müraciət edərək şerlərindən parçalar səsləndirdilər.

Sonda şairin kiçik qardaşı Çingiz Yaqubov qonaqlara
və tədbirin təşkilatçılarına
öz minnətdarlığını bildirib.

Xatırladaq ki, Zəlimxan Yaqub 2016-cı il yanvar ayının 9-da dünyasını dəyişib və Bakıda
I Fəxri Xiyabanda
dəfn olunub.

Yaşar ƏSGƏROV,
ZiM.Az


.