Tanınmış türkoloq, görkəmli dilçi-alim və millət vəkili NİZAMİ CƏFƏROV AMEA-nın həqiqi üzvü - akademik

TƏBRİK EDİRİK!..

2017-ci il mayın 2-də
Azərbaycan Milli Elmlər Akademiyasının
Ümumi yığıncağında
Azərbaycanda Atatürk Mərkəzinin müdiri,
Millət vəkili, Əməkdar Elm Xadimi,
tanınmış türkoloq, görkəmli dilçi-alim,
filologiya elmləri doktoru, professor,
AMEA-nın müxbir üzvü NİZAMİ CƏFƏROV
AMEA-nın həqiqi üzvü - akademiki
seçilib.

Nizami Qulu oğlu Cəfərov - 1959-cu il sentyabrın 21-də Ağstafa rayonunun
Zəlimxan kəndində anadan olub.
Azərbaycan Dövlət Universitetinin filologiya fakültəsini bitirib.
1985-ci ildən Azərbaycan EA-nın Nəsimi adına Dilçilik İnstitutunun elmi işçisi, 1987-ci ildən "Ədəbiyyat və incəsənət" qəzetinin şöbə müdiri, 1991-ci ildən Bakı Dövlət Universitetinin Türkologiya kafedrasının müəllimi, professoru, Filologiya fakültəsinin dekanı vəzifələrində çalışmışdır.
2000-ci ildən Bakı Dövlət Universitetinin ümumi dilçilik kafedrasının müdiridir.

25 kitabın müəllifidir. Rus, ingilis və fars dillərini bilir.

O, elmi nəticələrinə və təhsil quruculuğuna görə 11 fevral 2000-ci ildə Azərbaycan Respublikası Prezidentinin Sərəncamı ilə "Əməkdar elm xadimi" fəxri adına layiq görülüb.

Azərbaycan Yazıçılar Birliyinin və Yeni Azərbaycan Partiyasının üzvüdür.

Dünya Alpaqut Federasiyasının Prezidentidir.

Azərbaycan Respublikası (II (2000-ci il), III (2005-ci il), IV (2010-cu il) və V çağırış (2015-ci il) Milli Məclisinin deputatıdır. Parlamentin Mədəniyyət Komitəsinin sədri olub. Hazırda Azərbaycan-Türkiyə parlamentlərarası əlaqələr üzrə işçi qrupunun rəhbəri, Azərbaycan-Qazaxıstan, Azərbaycan-Qırğızıstan, Azərbaycan-Küveyt parlamentlərarası əlaqələr üzrə işçi qruplarının, İctimai birliklər və dini qurumlar komitəsinin və Toponimiya komissiyasının üzvüdür.

Evlidir, 2 övladı var.




.