ADI DİL ƏZBƏRİ - MƏDƏD ÇOBANOV

Nyu-York Elmlər Akademiyasının akademiki,
filologiya elmləri doktoru, professor
Mədəd Çobanovun əziz xatirəsinə

Ulu Borçalıdan İlham alıbdı,
Gənclikdən təhsilə meyil salıbdı.
Elmin zirvəsinə tez ucalıbdı,
Göstərib hünəri Mədəd Çobanov.

Candan artıq sevib Ana dilini,
Vətən torpağını,oba-elini.
Haraya uzatsa, əgər əlini,
Çalıbdı zəfəri Mədəd Çobanov.

Yayılıb ellərə şanı-şöhrəti,
Çoxları alıbdı ondan ibrəti.
Elm-ürfan yolunda çəkib zəhməti,
Yazıb yüz əsəri Mədəd Çobanov.

Aləmə nur saçıb neçə kitabı,
Yoxdu heç onların sayı-hesabı.
Xeyirxah iş görüb,edib savabı,
Silib qəm-kədəri Mədəd Çobanov.

Tanrımız eyləsin ona rəhməti,
Azərbaycan olub sözü-söhbəti.
Turana bəsləyib böyük rəğbəti,
Adı dil əzbəri Mədəd Çobanov!

İladi ÖMƏROĞLU

ZiM.Az

.