= Diqqət, diqqət!.. = "BORÇALI" Nəşriyyatı yeni müsabiqə elan edir Müsabiqə, Borçalı, Elanlar 17 февраля "BORÇALI" Nəşriyyat-Poliqrafiya Müəssisəsi "ZİRVƏ" İnformasiya Mərkəzi ilə birlikdə ZiM.Az saytının yaranmasının 5 ilinin tamam olması münasibətiylə "AĞIR ELLİ BORÇALI" mövzusunda yeni yaradıcılıq müsabiqəsi elan edir.Müsabiqədə BORÇALI və BORÇALILILAR mövzusunda yazılmış "Ən yaxşı xəbər", "Ən yaxşı məqalə", "Ən yaxşı hekayə", "Ən yaxşı şeir", "Ən yaxşı mahnı", "Ən yaxşı mahnı sözləri", "Ən yaxşı klip", "Ən yaxşı yumor", "Ən yaxşı miniatür", "Ən yaxşı tərcümə", "Ən yaxşı foto-etüd" və "Ən yaxşı rəsm" nominasiyaları üzrə yerlər müəyyənləşdiriləcək. Müsabiqəyə göndəriləcək əsərlər saytda dərc olunacaq və oxucu rəyləri də nəzərə alınmaqla Münsiflər Heyyəti tərəfindən qiymətləndiriləcək.Qaliblər saytın yaranmasının 5 illiyi münasibətiylə keçiriləcək mərasimdə elan olunacaq. Onlara pul mükafatı, diplom və digər hədiyyələr təqdim olunacaq.Ən yaxşı əsərə "Qran-Pri-ZİRVƏ" mükafatı veriləcək və "BORÇALI" Nəşriyyat-Poliqrafiya Müəssisəsi tərəfindən HƏDİYYƏ olaraq müəllifin bir KİTABı PULSUZnəşr olunacaq. Qeyd edək ki, əsərlər info@zim.az ünvanına və “müsabiqə üçün” qeydi ilə 15 mart 2020-ci il tarixindən gec olmayaraq göndərilməlidir. İstedadına güvənən bütün insanları öz yaradıcılıq nümunələrini Zim.Az saytının oxucularına təqdim etməklə müsabiqədə iştirak etməyə dəvət edirik..ZiM.Az. Muəllif huquqları qorunur. Məlumatdan istifadə etdikdə istinad mutləqdir.