Tarixin QAN YADDAŞI

Xocalı soyqırımı-nın 32-ci il-dönümü ilə bağlı Abşeron-Xızı Regional Mədəniyyət idarəsinin tabeliyində fəaliyət göstərən Sumqayıt şəhərinin Tarixi Muzeyi Azərbaycan Yazıçılar Birliyi Sumqayıt şəhər bölməsi ilə birgə dəyirmi masa təşkil etmişdir.

Əvvəlcə qanlı faciə qurbanları-nın və torpaq-larımızın azadlığı, bütövlüyü uğrunda canlarından keçmiş şəhidləri-mizin əziz xatirəsi bir dəqiqəlik sükutla yad edilmişdir.

ZiM.Az-ın xüsusi müxbiri İlhamə Məmmədova Sumqayıtdan xəbər verir ki, Anım tədbirini muzeyin direktoru vəzifəsini icra edən Namiq Əliyev giriş sözü ilə açaraq Xocalı soyqırımının 20-ci əsrin ən böyük faciələrindən biri olduğunu və amansızlığına, qəddarlığına görə bəşər tarixinə qanlı iz saldığını vurğulamışdır.

Sonra qətliama həsr olunmuş video-çarx nümayiş olunmuş və kütləvi ekspozisiya şöbəsinin əməkdaşı Nərmin Kərimli dəhşətli soyqırımı barədə ətraflı məlumat vermişdir. Qeyd edilmişdir ki, 1992-ci il fevral ayının 25-dən 26-sına keçən gecə erməni silahlı birləşmələri 7 min əhalsi olan Xocalı şəhərində genosid həyata keçirmişlər. 613 nəfərin öldürüldüyü, 1000 nəfərin yaralandığı, yüzlərlə dinc sakinin girov götürüldüyü, itkin düşdüyü Xocalı faciəsinin qurbanlarının əziz xatirəsi xalqımızın qəlbində daim yaşayacaqdır.

AYB Sumqayıt bölməsinin sədri Gülnarə Cəmaləddin Azərbaycan tarixində ən qanlı hadisələrdən biri olan bu dəhşətli faciənin etnik təmizləmə siyasətinin bir hissəsi olduğunu söyləmiş, Xocalı haqqında həqiqətlərin dünya ictimaiyyətinin diqqətinə çatdırılması, bu faciənin xalqımıza qarşı soyqırımı aktı kimi tanınması üçün dövlətimizin bütün zəruri addımları atdığını qeyd edilmişdir.

Çıxış edənlər - Pezidentin fərdi təqaüdçüsü, Əməkdar müəllim Ofelya Babayeva, "Tərəqqi" medallı, qabaqcıl təhsil işçisi Əvəz Mahmud Lələdağ, filologiya elmləri doktoru, professor, Əməkdar mədəniyyət işçisi Rafiq Yusifoğlu, Sumqayıt şəhər İcra Hakimiyyəti yanında İctimai şuranın sədri Hümbət Quliyev, şairlər Asif Asiman, Xaqani Abbasəli Öztürk, jurnalist-publisistlər Aygün Hacıyeva və İlhamə Məhəmmədqızı, muzeyin kütləvi-ekspozisiya şöbəsinin müdiri Sevinc Əmirova erməni silahlı dəstələri tərəfindən törədilən bu cinayətin ağır nəticələrindən geniş danışmış, ölkəmizin başına gətirilən bütün haqsızlıq və bəlalardan təəssüfləndiklərini, bir daha müharibənin baş verməməsini, xalqımızın sülh və əmin-amanlıq şəraitində yaşamasını arzuladıqlarını bildimişlər.

Dəyirmi masada Sumqayıt Dövlət Universitetinin və Sumqayıt Musiqi Kollecinin tələbələri iştirak etmişlər.

Tədbir zamanı muzeyin fondlarında qorunub saxlanılan, Xocalı soyqırımını əks etdirən fotoşəkillər, müxtəlif illərdə faktlar əsasında çap olunmuş kitablar, təsviri incəsənət əsərlərindən ibarət tablolar sərgilənmişdir.

ZiM.Az

.