AzTU-nun professoru Beynəlxalq Türk Mədəniyyəti (“Türksoy”) təşkilatının diplom və medalına layiq görülüb AzTU, Turan 9 февраля 2018-ci il Fevralın 9-da Beynəlxalq Türk Mədəniyyəti (“Türksoy”) təşkilatının baş katibi, professor Düsen Kaseinov və Yunus Əmrə İnstitutunun direktoru Cihan Özdəmirin Azərbaycan Texniki Universitetinin rektor əvəzi, professor Xalıq Yahudovla, eləcə də universitetin professor-müəllim heyəti və tələbə kollektivi ilə görüşü keçirilib.Görüşdə AzTU-nun rektor əvəzi, professor Xalıq Yahudov hər iki qonağı salamlayıb və Beynəlxalq Türk Mədəniyyəti (“Türksoy”) təşkilatının fəaliyyəti haqqında danışıb.Daha sonra Düsen Kaseinov və Cihan Özdəmir çıxışlarında rəhbərlik etdikləri qurumların gördüyü işlər haqqında ətraflı məlumat veriblər.Çıxışlarda Beynəlxalq Türk Mədəniyyəti (“Türksoy”) təşkilatının türkdilli ölkələrin mədəniyyət səylərini birləşdirən beynəlxalq təşkilat olduğu və bu təşkilat vasitəsilə türkdilli ədəbiyyatın dünyaya yayılması vurğulanıb.Görüşün sonunda AzTU-nun “Metrologiya və standartlaşdırma” kafedrasının müdiri, professor, şair Elçin İsgəndərzadənin ədəbi-bədii və ictimai fəaliyyətinə görə Beynəlxalq Türk Mədəniyyəti (“Türksoy”) təşkilatının diplom və medalına layiq görüldüyü bildirilib və mükafat alimə təqdim olunub.ZiM.Az. Muəllif huquqları qorunur. Məlumatdan istifadə etdikdə istinad mutləqdir.