Professor FƏRMAN GÜLMƏMMƏDOV (1939)

Professor FƏRMAN GÜLMƏMMƏDOV (1939)
FƏRMAN
GÜLMƏMMƏDOV
SSRİ Tibb Ə’laçısı,
Ukraynanın Əməkdar elm xadimi,
tibb elmləri doktoru, professor
(1939)

Fərman İbrahim oğlu Gülməmmədov
- 1939-cu il noyabrın 7-də qədim Borçalı mahalında - indiki Gürcüstan Respublikasının Lüksemburq (indiki Bolnisi) rayonunun Darvaz kəndində anadan olub.
1947-ci ildə Darvaz kənd orta məktəbinin birinci sinfinə gedib, sonra təhsilini Bolnisi qəsəbəsində rus orta məktəbində davab etdirib.
1958-ci ildə orta məktəbi bitirib və elə həmin ildə Ukraynanın Donetsk Tibb İnstitutuna daxil olub və 1964-cü ildə həmin institutu müvəffəqiyyətlə bitirib.

Fərman Gülməmmədov hələ orta məktəbdə təhsil aldığı günlərdən elmin sirlərini öyrənməyə dərindən maraq göstəririb. Odur ki, o, ali təhsilini başa çatdırdıqdan sonra aspiranturada oxuyub, elmin sirlərinə dərindən bələd olub və 1971-ci ildə dissertasiya müdafiə edərək, tibb elmləri namizədi elmi dərəcəsi alıb.
Uzun müddət Donetsk vilayət xəstəxanasının Klinik-cərrahiyyə şöbəsinin müdiri vəzifəsində çalışıb.

O, 1984-cü ildə “Yoğun bağırsaq xəstəliklərində cərrahi müalicə” mövzusunda doktorluq dissertasiyası müdafiə edərək tibb elmləri doktoru elmi dərəcəsinə layiq görülüb.

F.Gülməmmədov 1991-1994-cü illərdə Azərbaycanda — Bakı şəhərində işləyib və Azərbaycan Elmi Tədqiqat Qastroenterologiya İnstitutunda bağırsaq xəstəliklərinin cərrahi əməliyyatları sahəsinə rəhbərlik edib.

O, 1995-ci ildən Donetsk Tibb Universitetinin "Ümumi cərrahlıq” kafdrasının müdiri vəzifəsində işləyir.

Prof. Fərman Gülməmmədov elmi tədqiqat və praktik tibbi fəaliyyətinə görə SSRİ Tibb Ə’laçısıUkraynanın Əməkdar elm xadimi adlarına layiq görülmüşdür.
Onun rəhbərliyi altında 1 doktorluq və 6 namizədlik dissertasiyası müdafiə olunmuşdur.

Prof. Fərman Gülməmmədovun elmi və pedoqoji fəaliyyətinin nəticələri 300-dən çox elmi əsərdə, 2 fundamental monoqrafiyada öz əksini tapmışdır.

O bu müddət ərzində 50 beynəlxalq, ittifaq və respublika səviyyəli elmi konqres, müşavirə və konfranslarda çıxış edib, onlarla elmi məqalələr çap etdirmişdir.

Biz də professor Fərman Gülməmmədova uzun ömür, möhkəm cansağlığı, çətin və şərəfli işində yeni-yeni uğurlar arzulayırıq!.

Müşfiq BORÇALI.


(Bax: Müşfiq BORÇALI. Borçalı Ensiklopediyası. IV cild. Borçalı həkimləri. Bakı, 2001-ci il, səh.28-29.)
© Müəllif hüquqları qorunur. Məlumatdan istifadə etdikdə istinad mütləqdir.
Rəy yazın: