Şəhidimizə böyük ehtiram Qarabağ, AzTU, Tv 14 января 2016-cı il Dekabrın 29-da Ermənistan-Azərbaycan dövlət sərhədini pozan Ermənistan silahlı qüvvələrinin kəşfiyyat-diversiya qrupunun növbəti təxribat əməlinin qarşısı alınan zaman qəhrəmancasına şəhid olmuş Çingiz Salman oğlu Qurbanovun xatirəsinə Azərbaycan Texniki Universitetində (AzTU) anma guşəsi yaradılıb.“ZiM.Az” xəbər verir ki, bu günlərdə şəhidin ailə üzvləri AzTU-da olub, universitetin rəhbərliyi, professor-müəllim heyəti və tələbə kollektivi ilə görüşüblər. Böyük hörmət və ehtiramla keçirilən görüşdə universitetin rektoru vəzifəsini icra edən Xalıq Yahudov vurğulayıb ki, Çingiz Qurbanovun məzun olduğu bu ali təhsil ocağının tələbə və müəllimləri onu heç vaxt unutmayacaqlar.Görüşdə şəhidin atası Salman Qurbanov oğlunun nəşinin geri qaytarılması ilə bağlı görülən işlər barədə Müdafiə Nazirliyindən, Qızıl Aypara Cəmiyyətindən, həmçinin digər aidiyyəti dövlət qurumlarından və ictimai təşkilatlardan ona mütəmadi məlumat verildiyini bildirib.RUHUN ŞAD OLSUN, ƏZİZ ŞƏHİDİMİZ - Çingiz Salman oğlu QURBANOV!..Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.