DAHA BİR BORÇALI BALASI TƏBRİZ MUSAZADƏ QƏHRƏMANCASINA ŞƏHİD OLDU... RUHU ŞAD OLSUN!.. - YENİLƏNİB ŞƏHİDLƏRİMİZ, Qarabağ, Borçalı, Başkeçid, UNUTSAQ, UNUDULARIQ!.... 6 апреля 2016 4.04.2016Ana VətənimizAzərbaycanın ayrılmaz bir parçası olan Cənnət Qarabağ uğrunda gedən son döyüşlərdə Borçalı da şəhid verdi. Ulu Borçalımızın Başkeçid (indiki Dmanisi) rayonunun Yaqublu kəndindən olan mayor Təbriz Taryel oğlu MUSAZADƏ (MUSAYEV) Mİ-24 helikopterlə düşmənə ağır zərbələr vurduqdan sonra qəhrəmancasına şəhid olmuşdur. Şəhidimizin ruhu şad olsun!..6.04.2016 Bu qısa informasiyanı Zim.az saytında yerləkdirdikdən sonra Təbriz Musazadənin ailəsinin harada yaşaması ilə maraqlandım. Əslən Başkeçiddən olan dəyərli eloğlularımız Cavanşir Məmmədovun və Saleh Abdullayevin köməkliyi sayəsində ünvanı dəqiqləşdirdim və bir başa həmin ünvana yollandım...Çatanda axşam üstü idi. Həyətdə böyük bir çadır qurulmuşdu. Giriş qapısı üzərində üçrəngli Azərbaycan bayrağı dalğalanan çadırın içi də, çölü dəadamlarla dolu idi... Bizi ilk olaraq Ruslan adlı cavan bir oğlan qarşıladı, əvvəlcə Təbrizin yaxın qohumu, hazırda təqaüddə olan polkovnik-leytenant Kamal Hacıyevlə tanış etdi. Söhbət zamanı o, bizə Təbrizin atası Taryelin sürücü olduğunu dedikdə, qeyri-ixtiyari olaraq: "aaa olma, Taryel mənim hələ tələbəlik illərimdən tanıdığım avtobus sürücüsü olan Taryeldir?!" - söylədim. Kamal Hacıyev dəqiq cavab verə bilmədi... elə bu vaxt Tariyel kişi özü gəldi... Elə o dəqiqə tanıdım... Təqdimata artıq ehtiyac qalmadı... İlahi!... Bəli, bu elə O özü idi!.. Əvvəlcə öz adımdan, eləcə də mənə ünvanın tapılmasında köməklik göstərmiş Cavanşir müəllimin və Saleh müəllimin adlarından Vətən yolunda canını fəda etmiş Qəhrəman Şəhidin atasına dərin hüznlə başsağlığı verdim... VƏTƏN SAĞ OLSUN!.. VƏTƏN VAR OLSUN! TƏBRİZİN DƏ RUHU ŞAD OLSUN!.. - söylədim... Taryellə söhbət zamanı, ilk tanışlığımızı xatırladıq... 1987-ci ilin iyul ayında düz bir ay o idarə etdiyi avtobusu ilə Folklor təcrübəsində olan biz tələbələri Başkeçiddə kəndbəkənd gəzdirmişdi... Taryel Camal oğlunun necə də sadə, səmimi, mehriban və xeyirxah bir insan olmaqla yanaşı, onun həm də vətənpərvər və sonsuz yurdsevər olduğuna da elə o vaxtdan əmin olmuşdum. Belə bir kişinin övladı başqa cür ola bilməzdi!.. Bəli, Taryel kimi kişinin övladı məhz Təbriz kimi Qəhrəman olmalı idi!.. Oldu da!..Daha sonra Təbriz Musazadənin tərcümeyi-halı, şərəfli ömür yolu ilə maraqlandım.Söhbət əsnasında onu da öyrəndim ki...O, 12 avqust 1981-ci ildə qədim Borçalı mahalının dağlar qoynunda yerləşən və əsrarəngiz təbiət gözəllikləri ilə məşhur olan Başkeçid (indiki Dmanisi) rayonundakı Yaqublu kəndində dünyaya göz açıb.Atası Taryel Camal oğlu Musayev sadə sürücü olsa da, eldə-obada böyük hörmət-nüfuz sahibidir.Anası Tovuz xanım Başkeçidin Örməşən kəndindən Əsəd kişinin qızıdır, evdar qadındır.Təbriz Musazadə 1987-ci ildə Başkeçid (indiki Dmanisi) şəhərindəki 1 saylı rus orta məktəbin I sinifinə gedib. 1989-1990-cı illərdə Borçalıda baş vermiş məlum olaylardan, azərbaycanlıların təqib və təziqlərindən sonra Başkeçiddə yaşayan bütün soydaşlarımız elliklə öz doğma ocaqlarından - evlərindən uzaq düşməyə məcbur olub hərə bir yana köçəndə Taryel Camal oğlu öz ailəsini də götürüb doğma Azərbaycana pənah gətirib, Bakıya köçüb. Təbriz 3-cü sinifədən təhsilini Bakıdakı 165 saylı məktəbdə davam etdirib. Bir yandan öz ailələri kimi minlərlə soydaşımızın doğma Başkeçiddən qovalanması, bir yandan da Qarabağda gedən döyüşlər, qəsbkar erməni quldurlarının müqəddəs torpaqlarımızı işğal etməsi Təbrizi hərbiçi olmağa sövq edib.8-ci sinifi bitirdikdən sonra 1996-cı ildə C.Naxçıvanski adına Bakı Hərbi Liseyinə daxil olub. 1999-cu ildə Liseyi müvəffəqiyyətlə bitirib, Bakı Ali Hərbi Məktəbinə (indiki H.Əliyev adına Azərbaycan Ali Hərbi Məktəbinə) daxil olub, daha sonra isə ali təhsilini Bakı Ali Təyyarəçilik Məktəbində davam etdirib. 2003-cü ildə ali məktəbi uğurla bitirərək leytenant rütbəsi ilə N. saylı hərbi hissədə zabit kimi hərbi xidmətə başlayıb. Xidmət borcunu daha şərəflə yerinə yetirmək üçün daima öz üzərində çalışıb. İllər keçdikcə bir-birinin ardınca hərbi rütbələri də dəyişib, yüksəlib: leytenant, baş leytenant, kapitan, mayor. Təəssüflər olsun ki, Mayor onun sonuncu rütbəsi oldu. Aprelin elə ilk günü qəsbkər ermənilərin yenə sərhədlərimizi pozması Milli Ordumuzu düşmənə cavab verməyə məcbur etdi. Təbriz Musazadə də hərbçi həmkarları ilə birlikdə səmaya qalxdı, Füzuli rayonundakı Lələtəpədə Mİ-24 helikopterlə düşmənə ağır zərbələr vurduqdan sonra qəhrəmancasına şəhid oldu... Öz ölümü ilə ÖLÜMSÜZLÜYə, ƏBƏDİYYƏTə qovuşdu, ŞƏHİDLİK ZİRVƏSİnə ucaldı!.. Gənc şair Eltun MEHDİOĞLU "Ən yüksək zirvəyə ucaldın, ŞƏHİD!..." adlı şeirində yazmışdır:Can qoydun, qan tökdün, vətən uğrunda,Ən yüksək zirvəyə ucaldın, ŞƏHİD.Səndə Mübariz tək, mübariz oldun!Məhv etdin düşmanı, güc aldın, ŞƏHİD.Kəlbəcər Laçınla qoşa gələcək,Ağdərə, Zəngilan başa gələcək,Qubadlı, Xocalı, Şuşa, gələcək,Düşmanın qanıyla öc oldun, ŞƏHİD.Xankəndi, Xocavənd cənnət bağ olsun,Qorudun torpağı vətən sağolsun,Atanın, Ananın üzü ağ olsun,Düşməndan qisası tez aldın, ŞƏHİD. * * *Bəli, ATANIN-ANANIN ÜZÜNÜ AĞ EDƏN, DÜŞMƏNDƏN ÖZ QİSASIN ALANƏZİZ QARDAŞIMIZ TƏBRİZ, RUHUN ŞAD OLSUN!.. Əmin ola bilərsiniz ki, Vətənimiz, Xalqımız, Millətimiz Sizin Şücaətinizi, Qəhrəmanlığınızı yüksək qiymətləndirir.Biz də ailənə, atana-anana, ömürgün yoldaşın Pərişan xanıma, sabahımızın əsgərləri - zabitləri olacaq oğlanların Tayfun və Onura, əslən qonşu Şahmarlı kəndindən olan Cavanşirlə ailə həyatı qurub hazırda Rusiyada yaşayan, sənin xəbərini xəbərini eşidən kimi Bakıya uçub, özünü ata evinə - ŞƏHİD olmuş yeganə qardaşının canəzəsindən tez yetirən bacın Afidə xanıma, eləcə də bütün qohumlarına, doğmalarına, dostlarına, bir sözlə, elimizə-obamıza, millətimizə bir daha dərin hüznlə başsağlığı veririk!..VƏTƏNİMİZ SAĞ OLSUN!.. VƏTƏNİMİZ VAR OLSUN! ŞƏHİD TƏBRİZİMİZİN DƏ RUHU ŞAD OLSUN!.. Müşfiq BORÇALI... Muəllif huquqları qorunur. Məlumatdan istifadə etdikdə istinad mutləqdir.