Gürcüstandakı “Ceyran” rəqs qrupuna milli geyim formaları hədiyyə edilib MEDİA, Tiflis 28 марта Gürcüstanda səfərdə olan Azərbaycan Respublikası Milli Məclisinin deputatı, Azərbaycan-Gürcüstan parlamentlərarası əlaqələr üzrə işçi qrupun rəhbəri, Azərbaycan Mətbuat Şurasının sədri Əflatun Amaşov 2017-ci il martın 27-də Tbilisidə fəaliyyət göstərən “Ceyran” rəqs qrupunun üzvləri ilə görüşüb.ZiM.Az AZƏRTAC-ın Tbilisidəki xüsusi müxbiri Xətayi Əzizova istinadən xəbər verir ki, Tbilisidəki M.F.Axundzadə adına Azərbaycan Mədəniyyəti Muzeyində keçirilən görüşdə iki ölkə arasında mədəni əlaqələrin inkişafı, mədəniyyətimizin təbliği, azərbaycanlı gənclərin gürcü cəmiyyətinə inteqrasiyası və digər məsələlər müzakirə olunub.Əflatun Amaşov deyib ki, Gürcüstanda yaşayan azərbaycanlılar bu ölkənin ictimai-siyasi həyatında fəal rol oynayırlar. Gənclərimizin gürcü dilini, qanunvericiliyini mükəmməl bilməsi olduqca vacibdir. Gürcüstan hökumətinin gürcü dilini mükəmməl bilən azərbaycanlı gənclərə ehtiyacı var. Azərbaycan dövləti də Gürcüstan ilə əlaqələrin inkişafına böyük önəm verir. Bu ölkədə yaşayan soydaşlarımızın da qayğılarına diqqətlə yanaşır.Sonra Ə.Amaşov “Ceyran” rəqs qrupuna 20 dəst milli geyim forması hədiyyə edib. Bildirib ki, Azərbaycanın Mədəniyyət və Turizm Nazirliyinin Gürcüstandakı soydaşlarımıza dəstəyi bununla kifayətlənməyəcək. Bu cür yardımlar davamlı olacaq.Rəqs qrupunun rəhbəri Ceyran Qurbanova göstərilən diqqət və qayğıya görə minnətdarlıq edib. Bildirib ki, bu gün rəqs qrupunda azərbaycanlılarla yanaşı, gürcülər də çalışırlar, milli rəqslərimizi öyrənirlər. “Biz Azərbaycan və gürcü xalqları arasında dostluq və mədəni əlaqələrin inkişafı, milli mədəniyyətimizin təbliği istiqamətində fəaliyyətimizi bundan sonra da davam etdirəcəyik.Ceyran rəqs qrupunun üzvləri “Sarı gəlin”, “Turacı” və s. rəqslərimizi ifa ediblər”, - deyə Ceyran Qurbanova söyləyib.Görüşdə, Azərbaycanın Gürcüstandakı səfirliyinin əməkdaşları, muzeyin işçiləri, tələbələr iştirak ediblər.Əflatun Amaşov muzeyə də çox qiymətli kitablar hədiyyə edib. Bildirilib ki, bu kitablar Gürcüstanda yaşayan soydaşlarımıza Azərbaycan tarixini öyrənməkdə ən yaxşı əyani vəsait, elm mənbə olacaq.ZiM.Az. Muəllif huquqları qorunur. Məlumatdan istifadə etdikdə istinad mutləqdir.