RUHUN ŞAD OLSUN, HACI MİRZALI...

ALLAH RƏHMƏT ELƏSİN!..

İlahi!.. 40 gün necə də tez gəlib keçdi…

Ötən 2023-cü ilin dekabr ayının 11-də
aldığımız acı xəbər hamımızı sarsıtdı…

Ulu Borçalının ağır ellərindən olan
Darvaz kəndinin tanınmış el ağsaqqalı,
din xadimi, elimizin-obamızın sevimlisi,
zəhmətkeş, halal-hümmət, əməli-saleh,
yurdsevər, vətənpərvər və xeyirxah insan
- Hacı Mirzalı Mansur oğlu Namazovun
Bakı şəhərində vəfatı xəbəri
ürəyimizi param-parça elədi…

Mərhum 2023-cü il dekabrın 13-də
Bakıdakı Bakıxanov qəsəbəsindən
böyük bir izdihamla son mənzilə
yola salındı.
(Ünvan: Bakı şəhəri,
Əhməd Bakıxanov küçəsi, ev 44)

Dekabrın 14-də
Bakıxanov qəsəbəsindəki
“VİDA” mərasim evində
Mərhumun əziz xatirənə
hörmət əlaməti olaraq
Böyük Ehsan verildi…

2024-cü il yanvarın 21-də
yenə elə həmin ünvanda
- Bakıxanov qəsəbəsindəki
“Vida” mərasim evində
mərhum Hacı Mirzalının
40 mərasimi keçiriləcək.
Bütün Mirzalısevərlər dəvətlidir.

ALLAH RƏHMƏT ELƏSİN…

Redaksiya heyətimiz adından bir daha
HACI MİRZALInın vəfatından
kədərləndiyimizi bildirir,
mərhumun ailəsinə,
doğmalarına, əzizlərinə,
xüsusilə də oğulları -
Bakı Dövlət Universitetinin
Mexanika-riyaziyyat fakültəsinin
“Riyaziyyat və onun tədrisi metodikası”
kafedrasının dosenti,
fizika-riyaziyyat elmləri namizədi
Namazov Faiqə və
tanınmış iş adamı
Namazov Təbrizə, eləcə də,
bütün yaxınlarına
dərin hüznlə başsağlığı veririk.

ALLAH RƏHMƏT ELƏSİN!..
RUHU ŞAD, MƏKANI CƏNNƏT OLSUN!..


Müşfiq BORÇALI,
AYB-nin və AJB-nin üzvü,
filologiya üzrə fəlsəfə doktoru,
“Ziya” qəzetinin,
"ZiM.Az" və “Ziya.info.az”
saytlarının baş redaktoru,
“Bolnisi.Az” və "Borcali.org" saytlarının təsisçisi və
Redaksiya Heyətinin rəhbəri

ZiM.Az

.