GAK-da professor Mədəd Çobanovun 80 illik yubleyi qeyd olunub Gürcüstan, Borçalı, Bolus, Darvaz, Mədəd Çobanov 25 августа 2017-ci il avqustun 25-də Gürcüstan Azərbaycanlıları Konqresində (GAK) böyük alim, tanınmış tədqiqatçı,görkəmli dilçi-türkoloq, Nyu-York Elmlər Akademiyasının akademiki, filologya elmləri doktoru, professor Mədəd Çobanovun anadan olmasının 80 illik yubleyi ilə bağlı təntənəli tədbir keçirilib. ZiM.Az-in Gürcüstandakı əməkdaşının verdiyi məlumata görə, yubiley tədbirini giriş sözü ilə GAK-ın sədri Huseyn Yusubov açaraq yublyarin həyat və fəaliyəti haqda iştirakçılara məlumat verib, çıxışının sonunda GAK-ın Fəxri fərmanını professor Mədəd Çobanova təqdim edib. Tədbirdə daha sonra Gürcüstan Azərbaycanlıları Mədəniyyət Mərkəzinin Direktoru Fazil Həsənov çıxış edib və GAMM-nin Fəxri Diplomunu Mədəd müəllimə təqdim edib. Borçalının bir çox ziyalıları – tanınmış alim-şair, professor Hidayət Nuriyev, Azərbaycan Aşıqlar Birliyinin katibi Musa Nəbioğlu, Bolnisi Mədəniyyət Mərkəzinin direktoru,”Ümid” qəzetinin baş redaktoru Əlxan Yahyaoğlu, “Dostluq” cəmiyyətinin sədri Fərman Borçalı, yazıçı Əli Abbas, şairə Mayqa Mətin, şair Siyavuş Uyğun, jurnalisd Bəhram Mehdi, Faxralıdan Fatma Aslanqızı, Sadaxlı 1 saylı orta məktəbinin direktoru Hacı Səyyad Xəlilov, Yuxarı Saraldan Seyid Mirağa, Kirəç Muğanlədan Arif Məmmədov, Yuxarı Saraldan polkovnik İsmayıl Həkimov, Qardabani rayonunun Vaxdanqisi kəndindən Lətif müəllim, Bolnisi rayonunun Darvaz kəndindən həkim Səməd Çobanov və başqaları çıxış edərək yubliyarı təbrik ediblər, onun həyat və fəaliyyətini yüksək dəyərləndiriblər. Tədbirdə tanınmış Borçalı aşığı Kamandar Lətifoğlu qədim el havaları ilə çıxış edib, məclisə xüsusi şənlik qatıb.Həmçinin, Qaraçoplü aşıq-xanəndə Aida xanım Gülzar bir neçə mahnı ifa edib, məclis iştirakçılarının zövqünü oxşayıb. Sonda professor Mədəd Çobanov və oğlu - ZiM.Az-ın rəhbəri Müşfiq Borçalı çıxış edərək tədbirin təşkilatçılarına və iştirakçılarına təşəkkür edib və eləcə də bütün Borçalılılara öz minnətdarlıqlarını bildiriblər.Müşfiq Borçalı GAK-ın sədri Hüseyn Yusubova, GAMM-ın rəhbəri Fazil Həsənova müəllifi olduğu "Bu dostluğun yaşı çox!.." kitabını, Aşıq Kamandar Lətifoğluna müəllifi olduğu "Sazlı-Sözlü Başkeçid" kitabını, Aşıq Aidə Gülzara "M.P.Vaqif və Gürcüstan" kitabını hədiyyə edib, onlara bir daha təşəkkürünü bildirib və şərəfli fəailyyətlərində yeni-yeni uğurlar arzulayıb.Tədbirə GAK-ın sədri Hüseyn Yusubov yekun vurub və sonra yubilyarın şərəfinə hazırlanmış tort kəsilib. ZiM.AzRedaksiyadan: Professor Mədəd Çobanovun Yubiley tədbirdə çəkilmiş digər foto-şəkillər və video görüntülər yaxın zamanlarda ZiM.Az-ın dəyərli icləyicilərinə təqdim olunacaq.... Muəllif huquqları qorunur. Məlumatdan istifadə etdikdə istinad mutləqdir.