Gürcüstan XİN rəhbəri Azərbaycanın yeni səfirinin etimadnaməsini qəbul edib

Gürcüstanın
xarici işlər naziri
Mixeil Canelidze
Azərbaycanın yeni səfiri
Dursun Həsənovu
qəbul edib.

Azərbaycanın
Tiflisdəki səfirliyindən
ZiM.Az-a verilən
məlumata görə,
görüş zamanı
Azərbaycanın Gürcüstana təyin edilən yeni səfiri Dursun Həsənov etimadnaməsini
Gürcüstanın
Xarici İşlər naziri
Mixeil Canelidzeyə
təqdim edib.

Gürcüstanın Xarici İşlər naziri M.Canelidze azərbaycanlı diplomat Dursun Həsənovu Gürcüstana
səfir təyin olunması münasibəti ilə təbrik edib və ona yeni fəaliyyətində müvəffəqiyyətlər arzulayıb.
Nazir Azərbaycan-Gürcüstan əlaqələrin inkişafı istiqamətində D.Həsənovun simasında tezliklə yeni-yeni nailiyyətlərin əldə olunacağına əminliyini
ifadə edib.

Dursun Həsənov səmimi qəbul və təbrik üçün nazirə
öz minnətdarlığını bildirib, Azərbaycanın hər zaman Gürcüstana dəstək olduğunu vurğulayıb, dövlətlərimiz və xalqlarımız arasında əlaqələrin inkişafı naminə əməkdaşlıq prosesində iştirak etməyə hazır olduğunu və
iki ölkə arasındaki münasibətlərin daha da dərinləşdirilməsi üçün səylərini əsirgəməyəcəyini bildirib.

Görüşdə Azərbaycan və Gürcüstan arasında mövcud olan dostluq və strateji partnyorluq münasibətləri barədə danışılıb, Azərbaycan-Gürcüstan münasibətlərinin inkişaf perspektivləri, enerji, nəqliyyat və turizm sahəsindəki layihələrin icrası və s. məsələlər müzakirə olunub. Tərəflər həmçinin regional layihələrin genişləndirilməsinin zəruriliyindən danışaraq, Azərbaycan, Gürcüstan və Türkiyə arasında siyasi, iqtisadi və humanitar əlaqələrin daha da inkişaf etdirilməsinin əhəmiyyətini vurğulayıblar.

ZiM.Az

.