Ədəbiyyat İnstitutunda Azərbaycan-Çin əlaqələrinin 30 illiyinə həsr olunmuş tədbir keçirilib

Ədəbiyyat İnstitutunda Azərbaycan-Çin əlaqələrinin 30 illiyinə həsr olunmuş tədbir keçirilibAMEA Nizami Gəncəvi adına Ədəbiyyat İnstitutunun Çin mərkəzində Azərbaycan və Çin əlaqələrinin 30 illiyinə həsr olunmuş tədbir keçirilib. Tədbirdə BDU-nun nəzdində Konfutsi İnstitutunun direktoru Van Xuoçian və Pekin Xarici Dillər Universitetinin Azərbaycan dili kafedrasının müdiri, filologiya üzrə fəlsəfə doktoru, dosent Aqşin Əliyev də iştirak ediblər. Öncə Azərbaycan-Çin əlaqələrini ifadə edən rəsm sərgisinə baxış olub.

AMEA-nın vitse-prezidenti, Nizami Gəncəvi adına Ədəbiyyat İnstitutunun baş direktoru, akademik İsa Həbibbəyli giriş nitqində Çin Xalq Respublikası ilə əlaqələrin inkişafından söz açıb. Bildirib ki, “Ədəbiyyat İnstitutunun Çin mərkəzi 2016-ci ildən fəaliyyət göstərir. Bu illərdə Çinlə əlaqələr qurmaq üçün böyük addımlar atmışıq, çin dili dərsləri təşkil etmişik. Nərgiz Kərimova Çində kurslar keçdi və Çin-Azərbaycan ədəbi əlaqələrinə həsr olunmuş fəlsəfə doktorluğu dissertasiyası üzərində işləyir. Bu, filologiya istiqamətində çin ədəbiyyatına həsr olunmuş Azərbaycanda birinci dissertasiya olacaq. Çindən gələn çoxlu xarici qonaqlar da Çin mərkəzində olublar. Sosial Elmlər Akademiyasının sabiq prezidenti də buranı ziyarət edib. Çin-Azərbaycan ədəbi əlaqələrinə aid bir neçə dəfə konfrans keçirmişik. Bu konfranslarda Azərbaycan alimləri ilə yanaşı, Çin alimləri də iştirak ediblər. Mən Çində olmuşam. Bəzi əməkdaşlarımız da Çin Xalq Respublikasında olublar. Çin Sosial Elmlər Akademiyasınının ayrı-ayrı institutları ilə yaxşı əlaqələrimiz formalaşıb, qarşılıqlı əməkdaşlıq müqaviləsi imzalamışıq.
Sosial Elmlər Akademiyasının təşkilatçılığı ilə mən “Qədim İpək yolu üzərində Azərbaycan-Çin ədəbi və mədəni əlaqələri” adlı məruzə etmişəm. Azərbaycan-Ermənistan münasibətləri və Zəngəzur dəhlizi haqqında zoom proqramı ilə keçirilən görüşdə məruzə oxudum. Bu layihə Çin Xalq Respublikasında dövlət səviyyəsində həyata keçirilən “Bir kəmər, bir yol” layihəsinin davamıdır. Böyük İpək yolunun bərpa olunmasına çox böyük töhfələr verir. Burada Azərbaycan Respublikası ilə Çin Xalq Respublikasının maraqları üst-üstə düşür. Çin Elmlər Akademiyası “Bir kəmər, bir yol” layihəsi çərçivəsində Zəngəzur probleminin həllinə həsr olunmuş bir saatlıq məruzəmə görə qonorar da ödədi.
Azərbaycan Respublikasının Prezidenti İlham Əliyev Çin Xalq Respublikası ilə əlaqələrə böyük önəm verir. Azərbaycan-Çin əlaqələri bir çox istiqamətlərdə davam edir. Biz elm sahəsində istiqaməti təmsil edirik. Konfutsi İnstitutu ilə müqavilə imzalamışıq.
Azərbaycan-Asiya ədəbi əlaqələri şöbəsi professor Bədirxan Əhmədlinin rəhbərliyi altında Azərbaycan-Çin ədəbi əlaqələrinə aid poeziya antalogiyası hazırlayıb. 2022-ci ilin nəşriyyat planına daxil etmişik. İlin sonuna kimi çap edib, təqdimatını keçirməyi düşünürük. Bu, Azərbaycanda Çin-Azərbaycan əlaqələrinə həsr olunmuş birinci antalogiya olacaq.
Sizin bugünki gəlişinizi yüksək qiymətləndirirəm. Artıq çin dili kursları yenidən başlayıb. Əlaqələrimizi bundan sonra da nəşriyyat, elmi konfrans, elmi tədqiqat istiqamətlərində davam etdirəcəyik. Arzu edirəm ki, kitabımızın təqdimatında Çinin ölkəmizdəki səfiri də iştirak etsin. Bu əlaqələrin inkişaf etdirilməsində Pekin Xarici Dillər Universitetinin Azərbaycan dili kafedrasının müdiri Aqşin Əliyevin rolu danılmazdır. O, Ədəbiyyat İnstitutu ilə Çinin elmi mərkəzləri arasındakı əlaqələrdə çox etibarlı körpüdür”.

Sonra BDU-nun nəzdində Konfutsi İnstitutunun direktoru Van Xuoçian tədbirin təşkili üçün minnətdarlığını ifadə edib: “Konfutsi İnstitutu 2011-ci ildən, yarandığı gündən azərbaycanlı tələbələrin Çində təhsil almaları, onların Çini yaxşı tanımaları, dili yaxşı öyrənmələri məqsədilə körpü rolunu oynamışdır. Bu sərgi Azərbaycan və Çin ədəbi əlaqələrinin yaranmasının 30 illiyinə həsr olunmuşdur. Bundan öncə Xəzər Universitetində də belə tədbir keçirmişik. Ümid edirəm ki, bizim dostluq əlaqələrimiz daha da inkişaf edəcək”.

Azərbaycan-Asiya ədəbi əlaqələri şöbəsinin müdiri, filologiya elmləri doktoru, professor Bədirxan Əhmədli çıxışında qeyd edib ki, “Bizim şöbə 2016-cı ildə yaradılıb və o zamanlardan Çin mərkəzi də fəaliyyət göstərir. Çinlə ədəbi əlaqələrimiz davam edir. Mən də bir neçə dəfə Çində olmuşam. Orada İsa müəllimin, mənim və Nərgizin məqalələri çıxıb. Bir neçə dəfə konfranslar keçirmişik. Pandemiya dövründə nisbtən zəifləyən əlaqələrimiz artıq yenidən canlanır”.

Pekin Xarici Dillər Universitetinin Azərbaycan dili kafedrasının müdiri filologiya üzrə fəlsəfə doktoru, dosent Aqşin Əliyev çıxışında vurğulayıb ki, “İsa müəllim Çin-Azərbaycan ədəbi-mədəni əlaqələrinin müasir dövrdə qurucularından və inkişaf etdirənlərindən biridir. Pandemiyaya qədər Ədəbiyyat İnstitutu ilə Çinin müvafiq qurumları arasında əlaqələr çox güclü idi. Ümid edirəm ki, yenə də davam edəcək”.

Tədbirdə BDU-nun nəzdində Konfutsi İnstitutunun müəllim və tələbələrinin iştirakı ilə çin rəqsi nümayiş olunub.
Eyni zamanda çin yaşıl çayının dəmlənməsi göstərilib. Konfutsi İnstitutunun tələbəsi Rəhman Qarayevin ifasında çin dilində mahnı dinlənilib.

Gülnar Səma
Nizami Gəncəvi adına Ədəbiyyat İnstitutu,
İctimaiyyətlə əlaqələr şöbəsi


ZiM.Az

.
Muəllif huquqları qorunur.
Məlumatdan istifadə etdikdə istinad mutləqdir.
Oxşar xəbərlər:
Azərbaycan ilə Çin arasında ədəbi əlaqələr genişlənir

Azərbaycan ilə Çin arasında ədəbi əlaqələr genişlənir

"Zirvə"
“Azərbaycan-Pakistan elmi-ədəbi əlaqələri” Beynəlxalq Konfransı keçirilib

“Azərbaycan-Pakistan elmi-ədəbi əlaqələri” Beynəlxalq Konfransı keçirilib

Humanitar elmlər, Dünya
Ədəbiyyat İnstitutu ilə  Avrasiya Türk Araşdırmaları İnstitutu arasında anl ...

Ədəbiyyat İnstitutu ilə Avrasiya Türk Araşdırmaları İnstitutu arasında anl ...

Humanitar elmlər, "Zirvə", "Elm və Təhsil"
Azərbaycan alimləri Tbilisidə Şota Rustavelinin 850 illiyinə həsr olunmuş k ...

Azərbaycan alimləri Tbilisidə Şota Rustavelinin 850 illiyinə həsr olunmuş k ...

"Zirvə", Tv, Ədəbi əlaqələr, Tiflis
Koreya-Azərbaycan III Humanitar Forumu keçirilib

Koreya-Azərbaycan III Humanitar Forumu keçirilib

Humanitar elmlər, Dünya
Ədəbiyyat İnstitutunda Pərixanım Mikayılqızının kitablarının təqdimat-müzak ...

Ədəbiyyat İnstitutunda Pərixanım Mikayılqızının kitablarının təqdimat-müzak ...

Humanitar elmlər
Dünya şöhrətli yapon yazıçısı Haruki Murakaminin 70 illiyinə həsr olunmuş t ...

Dünya şöhrətli yapon yazıçısı Haruki Murakaminin 70 illiyinə həsr olunmuş t ...

Humanitar elmlər
“Əlişir Nəvai və Azərbaycan ədəbiyyatı” mövzusunda beynəlxalq elmi konfrans

“Əlişir Nəvai və Azərbaycan ədəbiyyatı” mövzusunda beynəlxalq elmi konfrans

Humanitar elmlər, "Zirvə", Turan, Orta Asiya
Azərbaycan ilə Özbəkistan arasında ədəbi-mədəni əməkdaşlığa dair üçtərəfli  ...

Azərbaycan ilə Özbəkistan arasında ədəbi-mədəni əməkdaşlığa dair üçtərəfli ...

"Zirvə", Ədəbi əlaqələr, Orta Asiya
Ədəbiyyat İnstitutunun Hesabat Elmi şurası keçirilib

Ədəbiyyat İnstitutunun Hesabat Elmi şurası keçirilib

Humanitar elmlər
Nizami Gəncəvi adına Ədəbiyyat İnstitutunda İngilis dili kursları

Nizami Gəncəvi adına Ədəbiyyat İnstitutunda İngilis dili kursları

Humanitar elmlər
Çingiz Aytmatova həsr olunmuş monoqrafiya çap olunub

Çingiz Aytmatova həsr olunmuş monoqrafiya çap olunub

Yeni nəşrlər
Görkəmli ədəbiyyatşünas alim Mirzağa Quluzadənin 110 illiyinə həsr olunmuş  ...

Görkəmli ədəbiyyatşünas alim Mirzağa Quluzadənin 110 illiyinə həsr olunmuş ...

Humanitar elmlər, "Zirvə", UNUTSAQ, UNUDULARIQ!....
“Kitabi-Dədə Qorqud” Pakistanda urdu dilində çapa hazırlanır

“Kitabi-Dədə Qorqud” Pakistanda urdu dilində çapa hazırlanır

Humanitar elmlər, Dünya
Ədəbiyyat İnstitutunda “Türk şeirində milli istiqlalın möhtəşəm müqəddiməsi ...

Ədəbiyyat İnstitutunda “Türk şeirində milli istiqlalın möhtəşəm müqəddiməsi ...

Humanitar elmlər, Turan
AMEA Dilçilik İnstitutu Qazaxıstan Elmlər Akademiyasının Dilçilik İnstitutu ...

AMEA Dilçilik İnstitutu Qazaxıstan Elmlər Akademiyasının Dilçilik İnstitutu ...

Humanitar elmlər
“Türk xalqları ədəbiyyatı: mənşəyi, inkişaf mərhələləri və problemləri” möv ...

“Türk xalqları ədəbiyyatı: mənşəyi, inkişaf mərhələləri və problemləri” möv ...

Əsas xəbər, Elm, "Zirvə"
Ədəbiyyat İnstitutunun Elmi şurasında 2022-ci ilin hesabatı dinlənilib

Ədəbiyyat İnstitutunun Elmi şurasında 2022-ci ilin hesabatı dinlənilib

Humanitar elmlər
AZƏRBAYCAN-ÇİN ELMİ ƏLAQƏLƏRİ DAVAM ETDİRİLİR

AZƏRBAYCAN-ÇİN ELMİ ƏLAQƏLƏRİ DAVAM ETDİRİLİR

"Zirvə", Dünya
Gürcü aliminin Məhəmməd Füzuliyə həsr olunan kitabı Azərbaycanda nəşr olunu ...

Gürcü aliminin Məhəmməd Füzuliyə həsr olunan kitabı Azərbaycanda nəşr olunu ...

"Zirvə", Ədəbi əlaqələr
Rəy yazın: