TƏBRİK EDİRİK!.. Akademik İradə Hüseynova “Ən yaxşı vətənpərvər tədqiqatçı alim” qızıl medalı ilə təltif olunub Biologiya və tibb elmləri, Təbriklər 5 августа Azərbaycan Milli Elmlər Akademiyası (AMEA)Molekulyar Biologiya və Biotexnologiyalar İnstitutunun direktoru, akademik İradə Hüseynova “Avropa Nəşr Mətbu Evi” mükafat komissiyasının qərarı ilə “Ən yaxşı vətənpərvər tədqiqatçı alim” qızıl medalı ilə təltif olunub. Alim bu mükafata istedadlı gənc alimlərin hazırlanmasında səmərəli fəaliyyətinə, ali bitkilərin fotosintetik membranlarının əsas struktur-fuksional komponentləri olan piqment-zülal komplekslərinin sintezi, yığılması, formalaşması proseslərinin molekulyar-genetik mexanizimlərinin kompleks şəkildə tədqiqi sahəsində apardığı uğurlu araşdırmalarına, elmi-publisistik kitablarına, gənclərdə vətənpərvərlik hisslərinin aşılanmasında və biologiya elminin inkişaf tarixində göstərdiyi xidmətlərinə görə layiq görülüb.Biz də, ZiM.Az-ın bütün Yaradıcı Heyəti adından görkəmli alim, akademik İradə xanım Hüseynovanı yeni mükafatı münasibətilə ürəkdən təbrik edir və ona yeni-yeni uğurlar arzulayırıq!..Müşfiq BORÇALI,ZiM.Az. Muəllif huquqları qorunur. Məlumatdan istifadə etdikdə istinad mutləqdir.