“Borçalı” İctimai Birliyinin növbəti tədbiri: “Azərbaycanın milli-mənəvi dəyərlərinin formalaşmasında gürcüstanlı soydaşlarımızın rolu”

Bu gün - 28 yanvar 2017-ci ildə “Borçalı” İctimai Birliyi Bakıdakı Beynəlxalq Mətbuat Mərkəzində “Azərbaycanın milli-mənəvi dəyərlərinin formalaşmasında gürcüstanlı soydaşlarımızın rolu” mövzusunda
növbəti tədbirini keçirib.

Tədbirdə “Borçalı” İctimai Birliyinin rəhbərliyi,
İdarə Heyəti və
təssübkeşləri ilə yanaşı,
respublikamızın elm müəssisələrinin və ali məktəblərinin rəhbərləri,
o cümlədən, AMEA Tarix İnstitutunun direktoru, AMEA-nın müxbir üzvü, Millət vəkili
Yaqub Mahmudov, Azərbaycan Dövlət Pedaqoji Universitetin rektoru, tarix elmləri doktoru, professor Cəfər Cəfərov,
Azərbaycanın Xalq artisti Eldost Bayramov,
Azərbaycanın Əməkdar jurnalisti İlyas Adıgözəlli,
"ZiM.Az" saytının və "Şərqin səsi" qəzetinin Baş redaktoru Müşfiq Borçalı, redaktor müavini Sona Abbasəliqızı, tanınmış şair, "Qızıl Qılım" mükafatı laureatı Oqtay Rza, tanınmış şairlər Sabir Sadaxlı, Nazilə Səfərli, Səadət Novruzqızı, Telli Sənəm Borçalı, Aşıq Aidə Gülzar, təhsil işçiləri, millət vəkilləri, tanınmış ziyalılar, eləcə də ictimai qurumların və qeyri-hökumət təşkilatlarının nümayəndələri də
iştirak ediblər.

Milli birlik mənbəyimiz olan milli dəyərlərimizin, mənəviyyatımızın inkişafında böyük rolu olmuş gürcüstanlı soydaşlarımızın zəngin mədəniyyətlərinin qorunması naminə keçirilən tədbirə çoxsaylı media işçiləri də qatılıblar.

Tədbirdə həmçinin qardaş Türkiyədən və qonşu Gürcüstandan gəlmiş qonaqlar da iştirak ediblər.

ZiM.Az xəbər verir ki, tədbiri giriş sözü ilə “Borçalı” İctimai Birliyinin sədri, tarixçi alim, dosent
Kərəm Məmədov açıb.

Sonra mövzu ilə bağlı
AMEA Tarix İnstitutunun direktoru,
AMEA-nın müxbir üzvü, Millət vəkili
Yaqub Mahmudovun,
ADPU-nun dosenti, dəyərli soydaşımız, tanınmış tədqiqatçı-alim, filologiya üzrə fəlsəfə doktoru
Razim Məmmədli və
BİB-in sədrin müavini, publisist Şərif Kərimlinin məruzələri dinlənilib.

Daha sonra məruzələr ətrfında “Şərəf” ordenli şairə, “Abdulla Şaiq” və “Qızıl Qələm” mükafatları laureat Səadət Buta,
Dünya Qarapapaq Türkləri Birliyinin Genəl Sekreteri
Selahettin Turan,
tarixçi-alim Firdovsiyyə Əhmədova, politoloq Natiq Miri, "Birlik" jurnalının Baş redaktoru, şair-jurnalist İlqar İlkin, BİB İH-nin üzvləri Asif Ozan, Dəyanət Osmanlı, Sərkərdə Sərxanoğlu və başqaları çıxış ediblər.

Sonda "Qafqazmedia"
İctimai Birliyinin sədri
Hacıxanım Azadə-Taleh Hüseynova Dünya Qarapapaq Türkləri Birliyinin Genəl Sekreteri
Selahettin Turanı,
"Salam" Mədəni Xeyriyyə Cəmiyyətinin sədri
Maya xanım Rəcəbovanı və “Borçalı” İctimai Birliyinin sədri Kərəm Məmədovu Azərbaycan-Gürcüstan və Türkiyə respublikaları arasnda dostluq-qardaşlıq əlaqələrinin daha da inkişaf etdirilməsi sahəsində xidmətlərinə görə
"Qız Qalası" Fəxri
diplomu ilə təltif edib.

ZiM.Az

.