Şirin Mirzəyev adına bulaq və Subartezian quyu istifadəyə veriləcək

“Yeni Yurd”Sosial İnkişaf ictimai birliyinin sədri Mahirə Əsədovanın təşəbbüsü və maliyyə dəstəyilə Ağdam rayonunun Quzanlı qəsəbəsində Azərbaycanın Milli Qəhrəmanı Şirin Mirzəyev adına Subartezian quyu və Bulaq inşa olunub. 28 may-Respublika günü ərəfəsində Subartezian quyu və bulağın açılış mərasiminin təşkil ediləcəyi planlaşdırılıb.
Xatırladıram ki, bu xeyirxah addım əslən Şabran rayonundan olan sahibkar, eyni zamanda, “Yeni Yurd” ictimai birliyinin sədri Mahirə Əsədovaya məxsusdur.
Mahirə xanımın təşkilatçılığı ilə 2015-ci ildə Ağdam rayonunun Əhmədağalı kəndində şəhid Şəmsəddin İbrahimov adına Subartezian quyu və bulaq istifadəyə verilmişdi. Hazırda həmin su quyusundan 144 evə, 1 şəfa ocağına və 1 Uşaq baxçasına su verilir.
Şamil Sabiroğlu,
“Ana harayı” qəzetinin baş redaktoru,
“Tərəqqi”medalının mükafatçısı.
Bakı, 07.05.2016.

P.S.: Ağdam rayonunun Quzanlı qəsəbəsində bu günlərdə istifadəyə veriləcək bulaq. Bulaq, Azərbaycanın Milli Qəhrəmaanı, şəhid soydaşımız Şirin Mirzəyevin adını daşıyır. Şirin Mirzəyev əslən Qarabağın füsunkar guşələrindən olan Xankəndi şəhərindəndir. Peşəkar hərbçiydi. Ağdam bölgəsində nümunəvi hərbi hissə yaratmışdı.1992-ci il iyun ayında şəhid olub.Allah ruhunu şad, məkanını cənnət eləsin!..Amin...



.