Aydın EYVAZOĞLU: "Yağının yadına sal, qurban olum !.."

Aydın EYVAZOĞLU: "Yağının yadına sal, qurban olum !.." Əziz dostlar!
Ötən əsrin 80-ci illərinin sonunda Qərbi Azərbaycanlıların daşnaqlar tərəfindən, ata yurdlarından çıxarıldıqdan sonra, Gürcüstanda Z.Qamsaxurdiyanın quldur dəstəsinin daha da azğınlaşmasına bir təkan verdi. Borçalıda kütləvi sürətdə hamını işdən çığartdılar. İmkanlı adamları oğurlayıb ağır işgəncələr verərək, böyük məbləqdə pul alaraq geri qaytardılar. Borçalıların maşınlarını, mal qarasını əllərindən aldılar. Başkeçiddən başlayan köç dalğası, üz tutdu Azərbaycana.
Bu şeiri elə o vaxtlar Aşıq Kamandara yazmışam.

QURBAN OLUM!


Ay Kamandar, baxma bu dərdə gendən,
"Cəngi" havasını cal, qurban olum!
Başkeçid, başını itirib qəmnən,
Dağlarda qalmayıb hal, qurban olum!

Tərsinə dövr edir, dəyirman daşı,
Daha saya salmır qardaş-qardaşı,
Süfrənin başlnda oturub naşı,
Bu xalqın qeydinə qal, qurban olum!

Buz bulaqlar, su yerinə qəm süzür,
Taleyimiz, payımızı kəm süzür,
Anaların hər baxışı can üzür,
Zəhərə dönübdü bal, qurban olum!

Dağların, Babəkə kürk olduğunu,
Koroğlu savaşı, görk olduğunu,
Torpağın sahibi, Türk olduğunu,
Yağının yadına sal, qurban olum!

Yad təbib, yaramı hər ay qoparır,
Bu tufan, gündə bir saray qoparır,
Torpağın daş səbri, haray qoparır ,
Aydın, dura bilməz lal, qurban olum !

"YURDDAŞ" qəzeti...
05. 05. 1993.


11. 04. 2020.

ZiM.Az


.
Muəllif huquqları qorunur.
Məlumatdan istifadə etdikdə istinad mutləqdir.
Rəy yazın: