Bu oğlan ağdı, ağ!..

Dostlarımdan biri fotomu çəkdi.
Fotoya baxdığımda bu şeiri yazdım.


Bu oğlan ağdı, ağ!.. Bu oğlanın
içində


Bu oğlanın içində,
Hava var, su var!
Kişilik,
Mənlik,
Və qürür var,
Yaradan belə yaradıb,
Bu var!

Bu oğlanın içində,
Dəniz var,
Özü də, tərtəmiz var!
Ləpələrinin dəliliyini-
Sakitləşdirən dəniz var!

Bu oğlanın içində dağ var,
Zirvəsini, ətəyini
adiləşdirən dağ!

Bu oğlanın içində bağ var,
Məhsulu tükənməyən,
Ağacı qırılmayan bağ!
Bu oğlan təmizdi, təmiz,
Bu oğlan ağdı, ağ!



Bu oğlan ağdı, ağ!.. Dırnaq arası

(kiçik hekayə)


Bir dostum zəng etmişdi. Telefonunu götürə bilmədim. Çünki, digər dostum mənə gərginlik yaşadırdı…

İkinci dostum sonda gərginlik yaratdığına görə deyir ki, bağışla…

“Ən böyük şücaət bağışlamaqdır” deyibən bağışlayıram. Amma tam bağışlamıram…

Zəngini üzürlü səbəbdən götürə bilmədiyim ikinci dostumsa gileylənib deyir ki, “Qardaş əslində insanın 3 dostu olur: birincisi ALLAH, ikincisi KİTAB, üçüncüsü TORPAQ”…

İkinci dostum bunları eşitsə əsaslı şəkildə utanacaq…

Çünki, o, birinci dostumumun dediklərinin hamısına şübhə etmişdi bu gün…

Heyf… Beləliklə, İkinci dostum dırnaq arasına düşdü bu gün..

Ceyhun Ağabəyov


.
Muəllif huquqları qorunur.
Məlumatdan istifadə etdikdə istinad mutləqdir.
Rəy yazın: