Təbrik edirik!.. Bəxtiyar QARACAya AzTV-də yüksək vəzifə verildi Mədəniyyət, MEDİA 10 февраля Tanınmış telejurnalist, şair-publisist Bəxtiyar Qaracaya Azərbaycan Dövlət Televiziya və Radio Yayımları Qapalı Səhmdar Cəmiyyətində vəzifə verilib.AzNews.az-a xəbər verib ki, Bəxtiyar Qaraca AzTV QSC-nin sədri Arif Alışanovun müvafiq əmri ilə Mədəniyyət kanalına direktor müavini təyin edilib.AzTV-nin mətbuat xidmətinin rəhbəri Xatirə Qasımova faktı təsdiqləyib.Məlumat üçün bildirək ki, B.Qaraca bundan əvvəl “Azərbaycan” qəzetində çalışırdı. Qəzetdən əvvəl isə telejurnalist uzun illər AzTV-də çalışıb.Onu da bildirək ki, bir müddət əvvəl mətbuatda A.Alışanovun 2006-2009-cu illərdə işdən qovduğu baş redaktorları geri qaytarması ilə bağlı yazılar dərc olunmuşdu. Həmin yazılarda bildirilirdi ki, bir vaxtlar Gənclik Proqramları redaksiyasından uzaqlaşdırılan şair Bəxtiyar Qaraca da ötən ilin sonunda Arif Alışanovla görüşüb və onun yenidən televiziyaya qaytarılması ilə bağlı müzakirələr aparılıb.Hörmətli Bəxtiyar müəllimi yeni vəzifəyə təyin olunması münasibətilə ürəkdən təbrik edir və ona yeni vəzifəsində yeni-yeni uğurlar arzulayırıq!..Müşfiq BORÇALI.. Muəllif huquqları qorunur. Məlumatdan istifadə etdikdə istinad mutləqdir.