İlqar Məmmədov Bakının Xətai rayon Polis İdarəsinin rəisi təyin olunub

TƏBRİK EDİRİK!..

Bu günlərdə Daxili işlər orqanlarında yeni təyinatlar olub.

ZiM.Az xəbər verir ki, bu barədə Azərbaycan Respublikası
Daxili İşlər naziri, general-polkovnik Ramil Usubov
2019-cu il aprelin 5-də müvafiq əmr imzalayıb.
Əmrə əsasən, polis polkovniki İlqar Məmmədov tutduğu vəzifədən azad edilərək Bakının Xətai rayon Polis İdarəsinin rəisi vəzifəsinə təyin edilib.

Xatırladırıq ki, İlqar Məmmədov bu təyinatdan əvvəl
Bərdə rayon Polis Şöbəsinin rəisi vəzifəsində çalışmışdır.
O, həmin vəzifəyə Azərbaycan Respublikasının Daxili İşlər naziri,
general-polkovnik Ramil Usubovun əmri ilə 2016-cı il sentyabrın 1-də təyin olunmuşdu.
Ondan əvvəl isə İ.Məmmədov Bakı şəhəri Xəzər rayon Daxili İşlər İdarəsində təhqiqat şöbəsinin rəisi,
Xəzər Rayon Polis İdarəsinin əməliyyat işləri üzrə rəis müavini vəzifələrində çalışmışdır.

Həmçinin, Azərbaycan Respublikası Daxili İşlər Nazirliyinin əməkdaşlarının təltif edilməsi haqqında
Azərbaycan Respublikasının Prezidenti İlham Əliyevin 29 iyun 2018-ci il tarixli Sərəncamı ilə
Azərbaycan polisinin yaranmasının 100 illik yubileyi münasibəti ilə və Azərbaycan Respublikasında
ictimai təhlükəsizliyin və asayişin təmin edilməsində, cinayətkarlığa qarşı mübarizədə xüsusi xidmətlərinə,
qarşılarında qoyulmuş tapşırıqları yerinə yetirərkən fərqləndiklərinə görə təltif olunanlar arasında
əslən qədim Borçalı mahalının Başkeçid rayonundan olan dəyərli eloğlumuz,
polis polkovniki İlqar Paşa oğlu Məmmədovun da adı olmuşdur.

O, “İgidliyə görə” medalı ilə təltif olunmuşdur.

Biz də ZiM.Az-ın bütün yaradıcı heyəti adından
dəyərli eloğlumuz, polis polkovniki İlqar Məmmədovu
Xətai rayon Polis idarəsinin rəisi vəzifəsinə
təyin olunması münasibətilə ürəkdən təbrik edir və
ona şərəfli vəzifəsində yeni-yeni uğurlar arzulayırıq!..

Müşfiq BORÇALI,
ZiM.Az


.