Gürcüstanda oktyabrın 21-də keçiriləcək seçkilər üçün 9.546.450 bülleten çap olunacaq

Oktyabrın 21-də Gürcüstanda keçiriləcək yerli özünüidarəetmə orqanlarına seçkilər üçün 9.546.450 bülleten çap olunacaq.

ZİM.Az-ın məlumatına görə, bu barədə Gürcüstanın Mərkəzi Seçki Komissiyasının spikeri Anna Mikeladze bildirib. Anna Mikeladzenin sözlərinə görə, dünən başlayan çap bülletenləri prosesi bir neçə gün davam edəcək və 2 beynəlxalq və 6 yerli monitorinq təşkilatı olan 20 müşahidəçi onu MSK üzvləri ilə birlikdə izləyəcək.

A.Mikeladze bildirib ki, bülletenlər Azərbaycan və erməni dillərində də çap olunacaq.
Gürcü-Azərbaycan dilində çap olunacaq bülletenlər 208, gürcü-erməni dilində olan bülletenlər 133 seçki məntəqəsinə paylanılacaq.
A.Mikeladze həmçinin bildirib ki, 4 seçki məntəqəsi üçün gürcü-Azərbaycan-erməni dillərində bülletenlər çap olunaraq məntəqələrə paylanılacaq.
"Cəmi 9,545 450 bülleten 9 mətbəədə çap olunacaq. Çap prosesi zamanı mətbəələrin seçilməsi, çap avadanlığının keyfiyyəti və mətbəənin təhlükəsizliyini nəzərə alınacaq. Qeyd edək ki, bütün seçilmiş printerlər CCTV kameraları ilə təchiz edilib ", - Anna Mikeladze bildirib.
Oktyabrın 21-də bülletenlər üç rəngdə şap olunub seçicilərin ixtiyarına veriləcək. Bülletenlər mavi, çəhrayi və açıq yaşıl rənglərdə olacaq.
Birinci-mavi rəngdə, partiyanın və seçki blokunun seçilməsi üçün,
İkinci- çəhrayı rəngdə, bələdiyyə məclisinin (sakrebulo) majoritar üzvünün seçilməsi üçün;
Üçüncü- açıq yaşıl bülleten - şəhər meri və ya özünü idarəetmə orqanının seçilməsi üçün.
Oktyabrın 21-də keçiriləcək seçki siyahısında cəmi 3 440 123 nəfər seçici qeydiyyata alınıb.
Qeyd edək ki, yeni seçki dəyişikliklərə əsasən indi deputatlar, rayon merləri 3 il deyil, 4 il müddətinə seçiləcəklər.

Xatırladaq ki, Gürcüstan hökuməti yerli özünüidarəetmə orqanlarına seçkilərin keçirilməsinə 39 milyon lari (16,9 milyon dollar) maliyyə vəsaiti ayırıb.

Nizami Məmmədzadə,
jurnalist

ZiM.Az

.