Bursada Xocalı Soyqrımı anılıb Qarabağ, Turan 29 февраля Xocalı Soyqırımının 24-cü ildönümü ilə əlaqədar 25 -27 fevral tarixlərində Bursada - Bursa Uludağ Universiteti, Bursa Turk Ocaqları, Bursa Türk və Azərbaycan dostluq dərnəyi, Bursa MHP patiyası ilə birgə Azərbaycanın "Vətəndaşların Sosial Rifahı Naminə" İB-i "Xocalı qətliamı" adlı panel və sərgi təşkil etmişlər. Tədbirdə Uludağ Universitetindən Prof. Selcuk Kırlı, Prof.Yusuf Oğuzoğlu, Türk -Azərbaycan dostluk dərnəyinin rəhbəri Handan Tengiz qızı, Erciyəz Universitetinin nümayəndələri dos. Qafar Chaxmaqli və Esli Xelilqizi, həmçinin "Vətəndaşların Sosial Rifahı Naminə" İB-nin sədri İradə Rizazadə Xocalıda azərbaycanlılara qarşı törədilmiş amansız soyqırımdan bəhs etmişlər. Tədbir iştirakçılarına Bursa Turk Ocaqlarının dəstəyi ilə nəşr edilən Xocalı soyqırımı şahidləri olan uşaqların ifadələri əsasında yazılmış Əsli Xəlilqızının "Kurşunlanmış çocukluk" kitabı paylanmışdır. Müəllif kitablara aftoqraf da yazmışdır.Tədbirin sonunda "Vətəndaşların Sosial Rifahı Naminə" İB-i Xocalı soyqırımı, Qarabağ həqiqətləri və qədim türk yurdu İrəvanla bağlı fotoşəkillərdən ibarət sərgi nümayiş etmişdir.. Muəllif huquqları qorunur. Məlumatdan istifadə etdikdə istinad mutləqdir.